Уйғур елиниң җәнубидики үч вилайәт бир област хитай һөкүмитиниң пиланлиқ туғут муһим нуқтиси болмақта

Уйғур елидики учур мәнбәлиридин ашкарилинишичә, 25 - авғуст күни қәшқәрдә җәнубтики үч вилайәт бир областиниң пиланлиқ туғут хизмитидин доклат бериш йиғини чақирилған.
Мухбиримиз гүлчеһрә хәвири
2008-08-26
Елхәт
Пикир
Share
Принт

 Йиғинда даириләрниң доклат беришичә җәнубтики үч вилайәт бир областта һазирғичә 43 миң аилә пиланлиқ туғутни йолға қойған, пәқәт қәшқәр вилайитидила йеқинқи бәш йилдин буян" аз туғуп тез бейиш "сияситигә маслишип, ялғуз пәрзәнт көрүш шәрәпнамиси алған аилиликләр 22 миң 288 аилигә йәткән болуп, бәш йил ичидә 40 һәссә көпәйгән.

Хитай һөкүмитиниң елан қилишичә бу үч вилайәт бир областиниң омумий нопуси бәш милйон 932 миң болуп уйғур ели нопусиниң 32йеқин салмиқини игиләйдикән.

Хитай һөкүмити бу җайларда 2005 - йилидин башлап ялғуз пәрзәнт көрүшкә көнгән деһқан аилиләрни 3000 йүән билән мукапатлаш сияситини йолға қойған.

Хитай пиланлиқ туғут даирилириниң бу йиғинда, уйғур елидики пиланлиқ туғут хизмитиниң интайин яхши нәтиҗә бәргәнлики буниңдин кейинму мушу җәнуптики үч вилайәт бир областиниң пиланлиқ туғут хизмитини нишанлиқ тутуп ишләш, бу җайларниң нопусини контрол қилиш хизмәтлирини партийә һәм һөкүмәтниңму маслишип йәниму күчәйтип ишлиши тәкитләнгән.

Қәшқәр, ақсу, хотән һәмдә қизилсудин ибарәт, җәнубтики үч вилайәт бир област атиливатқан бу җайлар уйғурлар әң зич олтурақлашқан җайлар болуп, бу җайлардики уйғурлар уйғур елидики уйғур нопусиниң %87.5 Тидин көпрәкини тәшкил қилиду.

Ваң лечүән илгири җәнубтики үч вилайәт бир областниң пиланлиқ туғут хизмитини күчәйтишниң, уйғур елиниң тәрәққияти һәмдә муқимлиқиға мунасивәтлик муһим вәзипә дәп дәп көрсәткән иди.


Пикирләр (0)
Share
Толуқ бәт