Uyghur élining jenubidiki üch wilayet bir oblast xitay hökümitining pilanliq tughut muhim nuqtisi bolmaqta

Uyghur élidiki uchur menbeliridin ashkarilinishiche, 25 - awghust küni qeshqerde jenubtiki üch wilayet bir oblastining pilanliq tughut xizmitidin doklat bérish yighini chaqirilghan.
Muxbirimiz gülchéhre xewiri
2008-08-26
Share

 Yighinda da'irilerning doklat bérishiche jenubtiki üch wilayet bir oblastta hazirghiche 43 ming a'ile pilanliq tughutni yolgha qoyghan, peqet qeshqer wilayitidila yéqinqi besh yildin buyan" az tughup téz béyish "siyasitige masliship, yalghuz perzent körüsh sherepnamisi alghan a'ililikler 22 ming 288 a'ilige yetken bolup, besh yil ichide 40 hesse köpeygen.

Xitay hökümitining élan qilishiche bu üch wilayet bir oblastining omumiy nopusi besh milyon 932 ming bolup Uyghur éli nopusining 32yéqin salmiqini igileydiken.

Xitay hökümiti bu jaylarda 2005 - yilidin bashlap yalghuz perzent körüshke kön'gen déhqan a'ililerni 3000 yüen bilen mukapatlash siyasitini yolgha qoyghan.

Xitay pilanliq tughut da'irilirining bu yighinda, Uyghur élidiki pilanliq tughut xizmitining intayin yaxshi netije bergenliki buningdin kéyinmu mushu jenuptiki üch wilayet bir oblastining pilanliq tughut xizmitini nishanliq tutup ishlesh, bu jaylarning nopusini kontrol qilish xizmetlirini partiye hem hökümetningmu masliship yenimu kücheytip ishlishi tekitlen'gen.

Qeshqer, aqsu, xoten hemde qizilsudin ibaret, jenubtiki üch wilayet bir oblast atiliwatqan bu jaylar Uyghurlar eng zich olturaqlashqan jaylar bolup, bu jaylardiki Uyghurlar Uyghur élidiki Uyghur nopusining %87.5 Tidin köprekini teshkil qilidu.

Wang léchü'en ilgiri jenubtiki üch wilayet bir oblastning pilanliq tughut xizmitini kücheytishning, Uyghur élining tereqqiyati hemde muqimliqigha munasiwetlik muhim wezipe dep dep körsetken idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.