Qattiq soghaq bayin'gholinda apet peyda qildi


2008-01-22
Share

Hawa témpératurisining 18‏- yanwardin bashlap pewqul'adde töwenlishi bilen bayin'ghulin aptonom oblasti tewesidiki bayinbulaq yaylaqlirining jenubi hemde bayin'ghulin tüzlenglik rayonliridimu qattiq qar yéghip apet peyda qilghan.

22‏- Yanwar yerlik da'irilerning qar apiti heqqide tarqatqan xewerliridin melum bolushche , bezi jaylarda hawa témpératurisi eng töwen bolghanda nöldin töwen 25 sélsiye gradusqa chüshken bolup , bu asasen ottura asiya we shimalning soghaq éqimining tuyuqsiz tesiri bilen körülüwatqan, tuyuqsiz kélimat özgirishi bolup ,hetta yillar boyi qar yaghmaydighan teklimakan qumluqigha tutash cherchen we charqiliqning jenubiy qisimlirighiche tesir körsetken we bu jaylardimu alte santimétir etrapida qar yaqqan .

Cherchen , charqiliq we bayinbulaq yayliqini öz ichige alghan jaylarda bu 10 yildin buyan körülgen eng éghir qar apiti bolup ,apetke uchrighan amma 3000 din ashidiken. Bu jaylarda körülgen pewqul'adde soghaq hem qar apiti sewebidin 3300 tuyaq mal ‏- charwa üshshüp ölüp, bir milyon 600 ming yüen biwaste iqtisadiy ziyan körülgen.

Bezi yerlik hökümet tor betlirining apet heqqide tarqatqan xewerlirige qarighanda ,qélin qar sewebidin yaylaqlargha tutishidighan tagh yolliri étilip qalghanliqtin apettin qutquzush ishlirimu éghir tosqunluqqa uchrighan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet