Qeshqer wilayitide qolgha élin'ghanlarning sani 500 din ashqan

Roéytérs, merkizi agéntliq qatarliq xelq'ara metbu'atlarning xewer qilishiche, 4 ‏ - awghust semen yoli weqesidin kéyin, qeshqer wilayiti boyiche 500 din artuq kishi qolgha élin'ghan. Peqet qeshqer sheher ichidin qolgha élin'ghanlar sanila 100din ashqan.
Muxbirimiz shöhret hoshur xewiri
2008.08.25

  Xewerlerde bayan qilinishiche, xitay hökümiti bu qétimqi keng - kölemlik tutqun qilish herikitige gilem tazilash herikiti dep nam bergen we bu nam astida 150 qétim axturush hem tutush herikiti élip bérip 500din artuq kishini qolgha alghan. Bu qétimqi tutqun qilish herkitini jama'et xewpsizlik, dölet bixeterlik, chégra mudapi'e qatarliq tarmaqlar birlikte élip barghan.

Xewerlerde eskertilishiche, nöwette qeshqerde yashlar arisida ushtumtut ghayip bolup kétish, uruq - tughqan qérindashlar ara xewer alaqisiz qélish adettiki ishqa aylinip qalghan. Nöwette közetküchiler, bu heriketni xitayning 4 ‏ - awghust semen yoli weqesi seweblik Uyghurlardin öch élish herikiti dep qarimaqta.

Yene bezi közetküchiler bolsa bu xil xalighanche tutqun qilishning Uyghur rayonida uzundin béri dawamliship kéliwatqanliqini, 4 ‏ - awghust semen yoli weqesi seweblik weziyetning emdila dunyagha ashkariliniwatqanliqini bildürüshmekte.

4‏ - Awghust semen yoli weqesidin kéyin, qeshqer saqchi idarisi muxbirlarning so'aligha jawab bérip, qeshqerde qollinishqa bolidighan barliq bixeterlik tedbirlirini qollinip bolghanliqini, qollinidighan chare qalmighanliqini bildürgen idi. Mezkur xewer agéntliqliri xewerni dunya Uyghur qurultiyining bayanatchisi dilshat réshit teminligen uchurlargha asasen teyyarlighan. Dilshat réshit xelq'ara jama'etni Uyghur rayonining olimpiktin kéyinki weziyitige jiddiy köngül bölüshke chaqirghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.