Начар һава келимати қәшқәр вилайитидики мивилик дәрәхләргә еғир зиян салди


2006.04.12
Share on WhatsApp
Share on WhatsApp

Йеқинда сибирийидин киргән соғақ еқим сәвәбидин қәшқәр вилайитиму еғир боран апитиниң тәсиригә учрап, уда нәччә күн 6-7 бал боран чиққан һәтта бәзи җайларда мөлдүр яғқан. Шу сәвәбтин бу районлардики зираәтләр вә мивилик дәрәхләр еғир зиянға учриған.

Шинхуа хәвәр ториниң мәлум қилишичә, қаттиқ боран қәшқәр вилайитидә 167 миң моға йеқин үрүк дәрихиниң чечәклирини учуртуп кәткән, 14 миң түптин көп мивилик дәрәхни сундурған һәмдә 82 миң моға йеқин буғдайни тоңлитип қойған. Буниңдин сирт йәнә, боран сәвәбидин от апәтлириму йүз берип, 5 аилиликниң өйи көйүп кәткән вә бир киши яриланған.

Қәшқәр вилайитидики һава райи мутәхәссислириниң билдүрүшичә, һава темпираторисиниң төвән болуши йәнә 2-3 күн давам қилидикән. Шуңлашқа бу районниң деһқанчилиқ, чарвичилиқ вә орманчилиқ саһәлири нөвәттә җиддий қоғдилишқа еһтияҗлиқ болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.