Үрүмчи наһийисидики қуш зукими юқум районини карантин қилиш бикар қилинди


2005.12.11
Share on WhatsApp
Share on WhatsApp

Поскамдики қуш зукими юқум районини карантин қилиш бикар қилинип узун өтмәй, шәнбә күни үрүмчи наһийиси әнәнчүй базири юқум районидиму қамал қилиш бикар қилинди. Шундақла өй қушлири өлтүрүлгән бақмичилиқ аилилиригиму мушу ай ичидә төләм пули берилидикән.

Бу йил 11‏-айниң 12‏-күни, үрүмчи наһийиси әнәнчүй базирида тез юқудиған қуш зукиминиң юқум әһвали байқалғандин кейин, бу йәрдики бақмичилиқ районлири дәрһал карантен астиға елип өй қушлири базирини тақиған. Мунасивәтлик орунлар һазирғичә бу юқум районидики 320 миңдин артуқ өй қушини өлтүрүп болди.

Қуш зукими әһвали бу йил 11‏-айдин башлап уйғур елиниң үрүмчи, поскам, хотән, пичан вә көнәс қатарлиқ җайлирида байқалди. Һәмдә үрүмчи билән поскамдин башқа районлар һазирғичә карантин қилинмақта. Кишини һәммидин әндишигә салидиғини қуш зукиминиң адәмләр арисида тарқилип кетиши болсиму , әмма хитай һөкүмити һазирғичә бу кесәлниң адәмләрдә байқалмиғанлиқини тәкитлиди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.