Тарим нефитликидә байқалған тәбиий газ записи 925 милярд куб метирдин артуқ


2008.03.28

Хитайда һазирчә байқалған әң чоң тәбиий газни қоюлдуруп аҗритип чиқириш мәйдани уйғур елиниң коча билән бүгүр наһийиси чегрисиға җайлашқан болуп, хитай ахбарат васитилириниң хәвәр қилишичә, 26 - март мәзкур газ мәйданида рәсмий қурулуш башланған.

Шинхуа агентлиқида көрситилишичә, бу газлиқта байқалған тәбиий газ записи 175 милярд 218 милйон куб метир болуп, ғәрбниң газини шәрққә йөткәш туруба линийисидики әң асаслиқ газ тәминләш мәйданиға айланған.

Хәвәрдә көрситилишичә, дина 2 - дәп атилидиған газ мәйдани 2009 - йили июнда пүтүп газ тошуш башлинидиған болуп, йиллиқ тәбиий газ ишләпчиқириш миқдари 5 милярд куб метир, уюп аҗрилип чиққан май 560 миң тонна болидикән.

Шинхуа агентлиқида тарим нефитлики ширкитиниң баш директори җу шинйүәнниң ейтқанлирини нәқил елип көрситишичә, һазир тарим нефитликидә байқалған тәбиий газ записи 925 милярд куб метирдин артуқ болуп йилиға 30 милярд куб метирдин тошиғанда хитайниң шәрқи вә шималий қисмидики шәһәрләрни 20 йил муқим тәбиий газ билән тәминләйдикән.

Мәлум болушичә, 2004 - йили тамамланған ғәрбниң газини шәрққә йөткәш туруба линийиси арқилиқ тарим нефитликидин хитайниң шәрқи вә шималий районлиридики 80 дин артуқ шәһәргә 30 милярд куб метир тәбиий газ тошуп кетилгән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.