Tarim néfitlikide bayqalghan tebi'iy gaz zapisi 925 milyard kub métirdin artuq
2008.03.28
Xitayda hazirche bayqalghan eng chong tebi'iy gazni qoyuldurup ajritip chiqirish meydani Uyghur élining kocha bilen bügür nahiyisi chégrisigha jaylashqan bolup, xitay axbarat wasitilirining xewer qilishiche, 26 - mart mezkur gaz meydanida resmiy qurulush bashlan'ghan.
Shinxu'a agéntliqida körsitilishiche, bu gazliqta bayqalghan tebi'iy gaz zapisi 175 milyard 218 milyon kub métir bolup, gherbning gazini sherqqe yötkesh turuba liniyisidiki eng asasliq gaz teminlesh meydanigha aylan'ghan.
Xewerde körsitilishiche, dina 2 - dep atilidighan gaz meydani 2009 - yili iyunda pütüp gaz toshush bashlinidighan bolup, yilliq tebi'iy gaz ishlepchiqirish miqdari 5 milyard kub métir, uyup ajrilip chiqqan may 560 ming tonna bolidiken.
Shinxu'a agéntliqida tarim néfitliki shirkitining bash diréktori ju shinyüenning éytqanlirini neqil élip körsitishiche, hazir tarim néfitlikide bayqalghan tebi'iy gaz zapisi 925 milyard kub métirdin artuq bolup yiligha 30 milyard kub métirdin toshighanda xitayning sherqi we shimaliy qismidiki sheherlerni 20 yil muqim tebi'iy gaz bilen teminleydiken.
Melum bolushiche, 2004 - yili tamamlan'ghan gherbning gazini sherqqe yötkesh turuba liniyisi arqiliq tarim néfitlikidin xitayning sherqi we shimaliy rayonliridiki 80 din artuq sheherge 30 milyard kub métir tebi'iy gaz toshup kétilgen. (Jüme)
Munasiwetlik maqalilar
- Gherbning gazini sherqqe yötkesh qurulushining ikkinchi basquchluq qurulushi 2010 - yili tamamlanmaqchi
- Uyghur élide bayqalghan omumiy néfit zapisi 3 milyard 820 milyon tonnigha yetti
- Gherbning gazini sheriqqe yötkesh qurulushi 2010 - yili resmiy ish bashlaydiken
- Tarim néfitlikidin toshup kétilgen tebi'iy gazning miqdari 29 milyard kub métirgha yetti
- Tarim néfitlikide tebi'iy gaz ishlepchiqirish aldinqi yildikidin 40 pirsent ashqan
- Xitay Uyghur élide néfit élishni köpeytmekte
- Bay nahiyisidiki gazliqtin 3 yil ichide 22 milyard kub métir gaz toshup kétildi
- Sherqiy junggharda pewqul'adde yéngi énérgiye rayoni bayqaldi
- Xitay Uyghur élining tebi'iy gazlirini toshush qedimini tézletmekte
- Xitay : ottura asiya bashliqlar yighini "bölgünchilik" we énérgiye mesilisini muzakire qilidu
- Xitay ikkinchi chong néfit, tebi'iy gaz turubisi qurushqa 13 milyard 600 milyon dollar meblegh saldi