Amérika Uyghur jemiyiti baghcha seylisi ötküzdi

31 - May küni amérika paytexti washin'gton shehiri yénidiki fa'irfakis nahiyisige jaylashqan güzel fa'ir köli baghchisida Uyghur jama'itining seyle pa'aliyiti ötküzüldi.
Muxbirimiz ümidwar xewiri
2008-06-01
Share

 Amérika Uyghurliri jemiyiti teshkilligen mezkur pa'aliyetke paytext washin'gton etrapida yashaydighan we bashqa shitatlardin kelgen chonglar, balilar bolup 100 ge yéqin Uyghur qatnashqan. Her yili ötküzülüp kéliniwatqan bu pa'aliyet bu yilmu mol mezmunlar bilen toldi.

Uyghur milliy herikitining rehbiri rabiye qadir xanim jama'et yighilip bolghandin kéyin qisqa nutuq sözlep, köpchilikning qattiq yamghurgha qarimay, ariliqni yiraq körmey seyle pa'aliyitige kelgenlikige rehmet éytish bilen birge buning qandaqtur addiy bir baghcha seylisi emes belki, ittipaqliq, inaqliq we özara munasiwetni kücheytidighan, kolléktipliq éngini östürüshke paydiliq bir pa'aliyet ikenlikini tekitlidi. Uning üstige bu yil amérika Uyghur jem'iyitining qurulghanliqining 10 yilliqi xatirisi bolup, rabiye qadir bu mesilinimu tekitlep ötti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet