J x tarmaqliri ürümchide partlash yüz bergenliki toghrisida xewer tarqatqan bezi kishilerni qolgha alghan

Uyghur aptonom rayonluq jama'et xewpsizlik nazariti 25‏ - mart küni ürümchide muxbirlarni kütüwélish yighini ötküzüp, ürümchide partlashlar yüz bergenliki toghrisida tarqalghan xewerlerning asassiz ikenlikini bildürdi.

Uyghur aptonom rayonluq jama'et xewpsizlik nazaritining bayanatchisi ba yen, ürümchide bir aptobusta partlash yüz bergenliki heqqide rayonda tarqalghan söz - chöcheklerning yalghan ikenlikini we bu heqte tarqalghan xewerlerning ammini qaymuqturup qoyghanliqini bildürdi.

Uyghur aptonom rayonluq siyasiy kéngeshning mu'awin re'isi we shinjang jama'et xewpsizlik nazaritining naziri lyu yawxu'a, bu munasiwet bilen bergen bayanatida, bir qisim qanunsiz unsurlar xelqning kallisini qaymuqturush arqiliq shinjangning muqimliqini buzush üchün, zeherlik söz - chöchekler tarqatmaqta, dégen. Uning éytishiche, bixeterlik da'iriliri bu mesile heqqide tekshürüsh élip barmaqta.

Shinxu'a agéntliqining xewer qilishiche, Uyghur aptonom rayonluq bixeterlik da'iriliri, ürümchide bir qatar partlashlar yüz bergenliki toghrisida xewer tarqatqan bezi kishilerni qolgha alghan.

Lékin, gerche xitay da'iriliri, ürümchide partlash yüz bergenliki heqqidiki xewerlerni ret qiliwatqan bolsimu, emma téléfon arqiliq muxbirimizning bu heqtiki su'allirini jawablandurghan ürümchidiki nurghun kishiler ürümchide bir qatar partlashlar meydan'gha kelgenlikini tekitligen. (Ömer qanat)