Олимпик җәрянида үрүмчидә һәммә адәмниң сомкиси тәкшүрүлмәктә

 Хәвәрдин ашкарилинишичә, йәрлик һөкүмәт мәркизи хитай һөкүмитиниң олимпик бихәтәрликини күчәйтиш йолйоруқини иҗра қилип, үрүмчи шәһиридики барлиқ аммиви көңүл ечиш сорунлири, болупму кинохана, су үзүш мәйдани, кафехана, қавақхана, торхана, шахматхана қатарлиқ орунларда қаттиқ тәкшүрүш елип беришни йолға қойған болуп, бу орунларға киргүчиләрниң сомка вә янчуқлири толуқ тәкшүрүлидикән.

Бир қанчә күн илгири уйғур елидә аптобусқа чиққан йолучиларниң сомкилири бир - бирләп ахтурулғанлиқи ашкариланғандин кейин, йәнә уйғурларниң 6 олимпик шәһиридин башқа хитай шәһәрлиригиму беришиниңму чәкләнгәнлики, бейҗиң қатарлиқ асаслиқ олимпик шәһәрлиридики ширкәтләрдә хизмәт қиливатқан уйғурларниңму бу шәһәрләрдин қоғланғанлиқи мәлум болған иди.

Уйғур елидә йүз бериватқан вәқәләрниң ахбарат вастилири арқилиқ дуняға тарқилиши, хитайниң уйғурларға қаратқан бастурмичилиқ сияситиниң нәқәдәр еғир дәриҗидә икәнликини, америка авам палатасиниң уйғурлар һәққидики қарариниң һәқлиқ икәнликини испатлимақта.