Uyghur rayonida senlu süt parashokidin zeherlen'gen balilardin 86 si bayqalghan

Zeherlik süt parashok weqesi bir heptidin béri xitay jem'iyitini alaqzade qilmaqta. Bügün xitay we xelq'ara metbu'atlarning xewer qilishiche, xitaydiki süt parashok zawutlirining %20 i zeher terkiplik mehsulat ishlepchiqarghan we bazargha salghan.
Muxbirimiz shöhret hoshur
2008-09-18
Élxet
Pikir
Share
Print

 Bügünki zeherlik sut parashok heqqidiki xewerlerde, Uyghur rayonidimu senlu markiliq süt parashuktin zeherlen'gen 86 bala bayqalghan, bularning ichide bir nepiri ölgen. Bu uchur, sehiye nazaritining bügün yeni 18 ‏ - séntebir küni kech sa'et beshke qeder bolghan tekshürüsh netijisi bolup, tekshürüsh dawam qilmaqta. Hazirgha qeder bayqalghan zeherlen'güchilerning börikide tash peyda bolghanliqi éniqlan'ghan.

Alaqidar kespiy tarmaqlarning melum qilishiche, bir qisim xitay shirketliri, süt parashokining aqsil terkiwini yuqiri körsitish meqsitide namuwapiq halda mehsulatlirigha mélamin namliq ximiyiwiy maddini ishletken. Eslide mélamin ximiyiwiy oghut we plastik matériyallarni ishlepchiqirishta qollinilidighan madda iken.

Nöwette, ansiklopidiler, xitay süt parashok fabrikilirining mélamin ishletkenlikini yalghan aqsil peyda qilish weqesi dep xatirilimekte.
Toluq bet