Wang léchüen rabiye qadir bashchiliqidiki Uyghur milliy herikitige idé'ologiyilik jeng élan qildi

Uyghur rayonluq partkom sékritari wang léchüen bügün 5 ‏ - nöwetlik milletler ittipaqliqi yighinida söz qilip, rabiye qadir bashchiliqidiki Uyghur milliy herikitige idé'ologiyilik jeng élan qildi.
Muxbirimiz shöhret hoshur
2008.09.17
Share on WhatsApp
Share on WhatsApp

 Wang léchüen sözide öch xil küchlerge qarshi basturush heriketliride ching turush bilen bille idé'ologiye sépidiki küreshnimu yene bir baldaq kucheytidighanliqini bildürdi. Rayondiki terepler arisida uzundin béri dawamliship kéliwatqan idiyiwiy toqunushni is - tüteksiz jeng dep atighan wang léchüen, her millet kadir ammisini, uch xil küchlerni pash qilishqa we ulargha idé'ologiye sépide qet'iy qarshi turushqa chaqirghan. Sözide Uyghur milliy herikitining rehbiri rabiye qadir xanimning namini tilgha élip, chet'eldiki sherqi türkistanchilarning qutratquluqigha we buzghunchiliqigha yol qoymasliqni tekitligen.

Bügün dunya Uyghur qurultiyining bayanatchisi dilshat rishit radi'omizgha bu heqte bayanat berdi. U bayanatida, Uyghur rayonidiki xitay hakimiyitini qanunsiz bir hakimiyet, Uyghurlarning iradisi bilen tiklen'gen emes dep eyiblidi we bu sewebtin, wang léchüen qanat yaydurghan her qandaq shekildiki idiyiwiy küreshning axiri meghlubiyet bilen axirlishidighanliqini bayan qildi.

Dilshat rishit wang léchüenning rabiye xanim heqqidiki sözliri heqqide toxtilip, bu rabiye xanim bashchiliqidiki Uyghur milliy herikitining xelqimiz ichidiki inawiti we tesir küchini étirap qilghanliqtur dep bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.