Xitay edliye da'iriliri ürümchide bir xristyan muxlisini eyibleshtin waz kechti

Ürümchi shehirining saybagh rayonidiki teptish da'iriliri2007 ‏- yili 8 ‏- ayda xristi'anlarning injilini satqanliqi tüpeyli " qanunsiz soda qilish" jinayiti bilen qolgha élin'ghan xitay xristyan muxlisi, " yayi" kitabxanisining mes'uli jaw xéngni eyibleshtin waz kéchip, uni qoyup bérishke buyrughan. Xewerlerge qarighanda jaw xéng teptish mehkimisining qararigha asasen 19 ‏- féwral küni ürümchining gherbiy tagh menzilidiki tutup turush ornidin qoyup bérilgen.

Eslide, jaw xéng 2007 ‏- yili 8 ‏- ayning 3 ‏- küni qolgha élin'ghandin kéyin, shu ayning 31 ‏- küni saybagh teptish mehkimisi uni resmiy qolgha élish buyruqi chüshürgen idi. Lékin saybagh teptish mehkimisi 2 ‏- ayning 13 ‏- küni chiqarghan qararida " saybagh j x idarisi jaw xéng üstidin békitken jinayetning heqiqiy ehwali melum emes, pakitlar yétersiz, eyiblinish shertige toshmaydu... Shu tüpeyli jaw xéngni eyiblimeslik qarar qilindi " déyilgen.

Amérikining téksas shtatidiki "junggo yardem jem'iyiti" dep atlidighan we Uyghur élide din pa'aliyet bilen shughullinidighan diniy jem'iyet, jaw xéngning qoyup bérilgenlikini qarshi aldi. Mezkur jem'iyetning re'isi, bishop fu shichyuning eskertishiche, jaw xéngning qoyup bérilishide yawropa parlaménti, yawropa ittipaqidiki her qaysi döletler, amérika hökümiti we xelq'ara xristyan jem'iyetliri xitaygha éghir bésim ishletken. U, amérika elchixanisi we amérika xelq'ara diniy erkinlik komitétining bu mesilide xitay bilen uchrashqanliqini bildürdi.

Lékin chet'eldiki sherqiy türkistan teshkilatliri xitay da'irilirini musulmanlar bilen xristi'anlargha ikki xil ölchem qollinish, xristyan tutqunlarni yénik bir terep qilsa, musulmanlarni shiddetlik basturush bilen eyiblimekte. (Erkin)