Вашингтондики брокиңиз иниститутида доклат беридиған хитай диний ишлар хадимлириниң ичидә бир уйғур бар

Хитай һөкүмити америкиниң вашингтон шәһиридики брокиңиз иниститутиниң саһипханлиқида өткүзүлидиған "хитайда көп хил диний етиқадлар", дегән темидики муһакимә йиғиниға хитай диний ишлар идарисиниң муавин башлиқи ваң зоән йитәкчиликидики бир өмәкни йоллиған болуп, өмәкниң тәркипидә хитай ислам җәмийитидин адилҗан һаҗи керим исимлик бир уйғур бар икән.
Мухбиримиз әркин хәвири
2008.09.05

 Брокиңиз иниститути хитай тәтқиқат мәркизиниң башлиқи җефрей бадер риясәтчилик қилидиған вә 11 ‏ - синтәбир күни өткүзүлидиған йиғинда ваң зоән, адилҗан һаҗи керим, хитай католик, буддизм, давизм җәмийәтлиридин кәлгән диний саһәдики кишиләр сөз қилиду.

Брокиңиз иниститутиниң бу һәқтики уқтурушида хитайдики охшимиған диний гуруһларға вәкиллик қилидиған бу кишиләрниң дәвримиздә хитайдики диний етиқадлар дуч келиватқан мәсилиләр үстидә музакирә елип баридиғанлиқини вә доклат бәргүчиләрниң түрлүк суалларға җаваб беридиғанлиқини билдүрди.

Хитай диний ишлар идарисиниң мәзкур доклат бериш өмикиниң вашингтонға келидиған мәзгили хитай даирилириниң уйғур илидә рамизан ейи мунасвити билән кишиләрниң роза тутуш, тәрәвигә беришини чәкләватқанлиқи, зоға қопқан аилиләрни тәкшүрүватқанлиқиға даир хәвәрләр елан қилиниватқан бир мәзгилгә тоғра кәлмәктә.
Мунасивәтлик хәвәрләр
Уйғур хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.