Sehibe sayram'oghli: “Men hayatla bolsam taki inim öyge qaytquche sözleshtin toxtimaymen”

Washin'gtondin muxbirimiz nur'iman teyyarlidi
2023.10.04
quddus-abduweli Quddus abduweli
X@sehibe1127

Bu yil awghust aylirining axirliri türkiyede turushluq sehibe sayram'oghli isimlik bir Uyghur qiz, X yeni ilgiriki tiwittér supisida inisi quddusjan abduwelining xitay da'iriliri teripidin tutulup kétilgenlikini ashkarilighan idi. Eyni waqitta radiyomiz sehbe bilen alaqe qilghanda, u özining bortalada yashawatqan a'ilisining xitay hökümitining bésimigha duch kéliwatqanliqi, saqchilarning inisi heqqidiki her qandaq bir uchurni xelq'aragha ashkarilimasliq heqqide tehdit séliwatqanliqini éytqan idi.

Biz bu déloning tepsilatini yenimu ilgiriligen halda sürüshte qilish üchün, sehibe sayram'oghli bilen qayta alaqe qilduq. Sehibe bu qétim radiyomizning ziyaritini qobul qilip, inisining qumuldiki türmige yötkep kétilgenliki, hazirghiche uningdin héchbir xewer yoqluqi, shundaqla inisining sewebsiz hem qanunsiz tutup turuluwatqanliqini bildürdi.

Sehibening radiyomizgha éytishiche, uning inisi quddusjan abduweli , qaramay kespiy téxnika institutini bu yil 6-ayda püttürgen iken. U, 7-ayning 12-küni ghuljadin bortalagha qaytish yolidiki tekshürüsh ponkitida yerlik saqchilar teripidin qolgha élin'ghan. Üch kündin kéyin u qumul saqchiliri teripidin qumul wilayetlik türmige yötkep kétilgen. Hazirche quddusjanning ehwali heqqide a'ilisidikilerge héchqandaq melumat bérilmigen.

Yuqiriqi awaz ulinishidin mezkur söhbitimizning tepsilatigha qulaq salghaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.