Ghulja nahiyesdiki bir kent kadiri: “Bizdiki yuqumdarlar wirusni gensuluq sayahetchilerdin yuqturiwalghan”

Muxbirimiz shöhret hoshur
2022.08.09
Share on WhatsApp
Share on WhatsApp
uyghur-qeshqer-2020-oktebir-virus-photo-2.jpg Kiyim-kéchek zawutining 17 yashliq xizmetchisi korona wirusi bilen yuqumlan'ghanliqi éniqlan'ghandin kéyin, 4 milyon 750 ming ahalini tekshürüp bolushtek keng kölemlik korona wirus siniqi bashlan'ghan. 2020-Yili 25-öktebir, qeshqer.
AFP

Xitayning resmiy axbaratliri we ijtima'iy taratqulirida, Uyghur élida tajisiman wirus yuqumdarlarining köpiyishke bashlighanliqi we bu seweblik ghulja qatarliq jaylarda karantin tüzümi yolgha qoyulghanliqi xewer qilinmaqta. Bügün muxbirimizning téléfonini qobul qilghan ghulja nahiyesidiki bir kent kadiri, ghulja nahiyeside wirus yuqumdarining eng deslep üch'on tunggan yézisida bayqalghanliqi, wirusning bu yerdiki ahalilerge gensudin kelgen sayahetchilerning yuqqanliqini ashkarilidi.

Xitayning “Tengritagh tori” ning xewer qilishiche, Uyghur rayonida 7‏-ayning 31‏-kinidin bashlap, alametsiz tajisiman wiris yuqumi körülüshke bashlighan. 7‏-Awghust künige qeder ghulja, chöchek, qeshqer, bortala, aqsu, qumul, ürümchi qatarliq 7 wilayettiki 12 nahiye-sheherde yuqumdarlar sani 274 neperge yetken. Xewerde eskertilishiche, da'iriler yuqum tarqalghan jaylarni “Yuquri, ottura we töwen derijilik xeterlik rayonlar” gha ayrip, oxshimighan derijide karantin tedbirini yolgha qoyghan.

Xewerlerdin melum bolushiche, wirusning eng deslep bayqalghan we eng köp tarqalghan jayi ili oblasti iken. Ghulja shehiri bilen ghulja nahiyesi yuqum ehwali éghirraq jaylar hésablinidiken. Shunga biz aldi bilen ghulja nahiyesdiki idare-organlargha téléfon qilduq.

Téléfo'inimizni qobul qilghan samiyüzi yéziliq hükümetning bir xadimi, yéza tewelikide karantin tüzümining yolgha qoyulghanliqi, jümlidin ahalilerning sirtqa chiqishi cheklen'genlikini bayan qildi.

8‏-Awghust küni ürümchide échilghan yuqum ehwali heqqidiki axbarat élan qilish yighinida, ghulja nahiyesidin yuqumlan'ghanlar sanining 34 neper ikenliki ashkarilan'ghan bolsimu, emma buning qeyerdin we kimlerdin yuqqanliqi tilgha élinmighan.

Ghulja nahiyi'e mazar yézisidiki bir kent amanliq mudiri, özlirining nöwette qamal ishliri bilen aldirash ikenlikini tilgha élish bilen birlikte, ghulja nahiyesidiki yuqumdalarning eng deslepte “May gongshé”, yeni üch'on tunggan yézisida bayqalghanliqini we yuqumning ichikiridin kelgen sayahetchilerdin yuqqanliqini ashkarilidi. Uning bayan qilishiche, mezkur yézida nöwette yuqumdardin besh nepiri bar bolup, bular ene ashu ichkiridin kelgen sayahetchiler bilen bir ashxanida ghizalan'ghanlar iken.

U yene ghulja nahiyesidikilerge wirus yuqturghuchi bu sayahetchilerning gensudin kelgenler ikenlikini ashkarlidi.

Uning yene eskertishiche, ghulja nahiyesining yéngitam yéza borichi kentidimu, ikki neper yuqumdar bar bolup, bularmu buningdin bir hepte ilgiri del shu gensuluq sayahetchiler tamaq yégen ashxanida tamaq yégenler iken.

Bu uchurlarni özimu eza bolghan kent kadirliri ündidar topidin uqqanliqini eskertken mezkur kent amanliq mudiri, gensuluq sayahetchilerning qeyerde, qandaq bir terep qilghanliqidin xewiri yoqluqini, bu heqtiki uchurlarning özige oxshash töwen derijilik kadirlargha yetküzlmigenlikini tilgha aldi.

Melum bolishiche, üch'on yézisida yuqumlan'ghanlardin ikki nepiri öyini rémont qiliwatqanlar bolup, ular bir qisim qurulush matériyallirini xitay ölkiliridin sétiwalghanlar iken. Mezkur kent amanliq mudiri yerlik ahalilerning ene shu ichkiridin sétiwélin'ghan qurulush matériyllirini yuqumning bir menbesi dep qarawatqanliqi, emma özining bu qarashqa ishinip ketmeydighanliqini eskertti.

Mezkur amanliq mudiri, wuxendin yuqum tarqalghandin buyan ghulja nahiyeside yuqum körülüp baqmighanliqini, gensudin yuqqan yuqumning bu nahiyede tajisiman wirus yuqumining bashlan'ghuchi ikenlikini tekitlidi.

Hörmetlik radiyo anglighuchilar, xitayning “Tengritagh tori” tarqatqan xewiride, yuqumdarlarning ghulja shehiride 219 neper, ghulja nahiyeside 33 neper, nilqa nahiyeside 4 neper, chöchekte 2 neper, qeshqerning poskam nahiyeside 4 neper aqsuda 5 neper, ürümchide 4 neper ikenliki qeyt qilin'ghan. Bu san-sépirlar, yéqinqi 10 kündin buyan ghulja nahiyesini öz ichige alghan pütkül Uyghur rayonda tarqiliwatqan tajisiman wirus yuqumi menbesining gensuluq sayahetchiler ikenlikidek éhtimalliqini küchlendürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.