Atushtiki yuqum gumandari mir'adil nur'exmet lagér ikenlik éhtimalliqi bolghan "6‏-Rayon" da karantin qilin'ghan

Muxbirimiz shöhret hoshur
2020-02-10
Élxet
Pikir
Share
Print
Uyghur diyarida da'iriler élip bériwatqan wirustin mudapi'elinish teshwiqatidin körünüsh. 2020-Yili yanwar.
Uyghur diyarida da'iriler élip bériwatqan wirustin mudapi'elinish teshwiqatidin körünüsh. 2020-Yili yanwar.
Social Media

Atushtiki bir "On a'ile" bashliqi öz tewelikidiki mir'adil nur'exmet isimlik bir yashning "Wuxen wirusi" yuqumdari gumani bilen atush sana'et rayonidiki 6-rayon'gha apirilghanliqi we shu yerde karantin qilin'ghanliqini ashkarilidi. Ilgiriki éniqlashlirimizda atushtiki yighiwélish lagérlirining atush sana'et rayonida ikenliki we lagér namining 1‏-rayon, 2-rayon dégendek nomur bilen atilidighanliqi melum bolghan idi. Mezkur on a'ile bashliqi özining melumat da'irisining chekliklikini eskertken halda mir'adil nur'exmetning terbiyelesh merkizining özide emes, belki uninggha qoshna bir binada karantin qiliniwatqanliqini bayan qildi. Uning bayanliridin miradil nuraxmetning ürümchidin tetil qilip kelgen bir oqughuchi ikenliki, 6-rayonda mir'adil bilen birlikte belgilik sanda kishilerning karantin qilin'ghanliqi melum boldi.

Xitay axbaratlirida hazirgha qeder bir türküm Uyghurlarning wuxen'ge yardemge ewetilgenliki xewer qilin'ghan bolsimu, emma "Wuxen wirusi" gha qarita "Eng nazuk nuqta" dep qaralghan yighiwélish lagérlirida qandaq tedbirler élip bériliwatqanliqi heqqide héchqandaq uchur bérilmidi. Biz rayondiki alaqidar orunlargha téléfon qilghinimizda qandaq orunlarning we qandaq kishilerning "Nazuk nuqta" dep qariliwatqanliqi heqqide melumat soriduq. Xadimlar bu heqte éniq jawab bérelmidi. Qeshqerdiki bir sehiye xadimi lagérgha "Wuxen wirusi" seweblik doxtur ewetilgenlikini bayan qilghan bolsimu, emma buning dawalash yaki aldini élish üchün yollan'ghanliqi heqqide melumat bérelmidi. Biz lagérdikilerni qoghdash üchün élin'ghan tedbirler heqqide héchqandaq uchur alalmighandin kéyin, karantin qiliniwatqan kishilerning qeyerlerde qamal qilin'ghanliqi heqqide melumat soriduq.

Atushtiki bir on a'ile bashliqi özining jiddiy halet mezgilide néme ishlarni qilghanliqini bayan qilish jeryanida ürümchidin qaytip kelgen bir yuqum gumandarini kent sékrétarigha melum qilghanliqi we sékrétarning mir'adil nur'exmet isimlik bu yashni atush sana'et rayonidiki6-rayon'gha apiriwetkenlikini ashkarilidi. U mir'adil nur'exmetning shinjang pédagogika uniwérsitéti tenterbiye fakultétining oqughuchisi ikenliki, ürümchige 23-yanwardin kéyin, yeni 27 ‏-yanwar küni kelgenliki üchün "Yuqum gumandari" dep qaralghanliqini eskertti. Melum bolushiche, bu 10 a'ile bashliqi mir'adil nur'exmet karantin qilin'ghandin kéyin uning bilen bir qétim téléfonda sözleshken. Téléfonda mir'adil nur'exmet özining6-rayondiki bu binada yalghuz emesliki, özige oxshash ürümchidin qaytqan bashqa yoluchilarningmu barliqini melum qilghan.

Ilgiriki éniqlashlirimiz dawamida atushta lagérlarning yéngidin échilghan sana'et rayonida ikenliki we bu lagérlarning 1-rayon, 2-rayon dégendek nomurlar bilen atilidighanliqi melum bolghan idi.

Shunga biz bu on a'ile bashliqidin6-rayonning "Terbiyelesh merkizi" yaki emeslikini soriduq. U özining bu heqte melumatining chekliklikini eskertish bilen birlikte mir'adil nur'exmettin téléfonda anglighanlirigha asasen u turuwatqan binaning lagérning özi bolmisimu, lékin lagérgha qoshna bir bina ikenlikini tilgha aldi.

Ilgiriki éniqlashlirimiz dawamida4-rayon we 5-rayon namidiki lagérlardin bashqa8-rayon namidimu bir yighiwélish lagéri barliqi ashkarilan'ghan. Tor arxipliridiki matériyallarda atush sana'et rayonining 1-2-3-dep üchla rayon'gha ayrilidighanliqi qeyt qilin'ghan. Emma hazirgha qeder 6-rayon dep atilidighan lagérdin bashqa bir orunning barliqi melum emes.

Toluq bet