Питер наварро: хитай корона вирусни йошуруп миңлиған адәмниң өлүшини кәлтүрүп чиқарди

Мухбиримиз җүмә
2020-04-19
Елхәт
Пикир
Share
Принт
Ақсарайниң иқтисад мәслиһәтчиси петир наварро әпәнди мухбирларниң соаллириға җаваб бәрмәктә. 2019-Йили 11-сентәбир, вашингтон.
Ақсарайниң иқтисад мәслиһәтчиси петир наварро әпәнди мухбирларниң соаллириға җаваб бәрмәктә. 2019-Йили 11-сентәбир, вашингтон.
AP

Ақсарайниң сода мәслиһәтчиси питер наварро хитайниң корона вирусини дунядин мәхпий тутуш қатарлиқ бир нәччә қилмиши билән миңлиған адәмниң өлүшигә сәвәб болғанлиқини билдүрди.

У, йәкшәнбә күни «фокус» телевизийәси билән өткүзгән мәхсус сөһбәт җәрянида йәнә вирус вабаси җәрянида хитайниң қилғанлирини санап өтти. 

У мундақ деди: «хитайниң бу җәрянда немә қилғанлиқини сорисиңиз улар нурғунлиған адәмләрниң өлүшигә сәвәб болған 4 түрлүк ишни қилди. Биринчиси, бу вирус хитайда дуняға кәлди. Иккинчиси, хитай буни дуня сәһийә тәшкилатидин мәхпий тутти. Үчинчиси, улар сәһийә қоғдиниш әслиһәлирини топлиди, әмдиликтә болса буниңдин пайда еливатиду.»

У йәнә, корона вирусиниң мәнбәси мәсилисидиму тохталди вә вирус мәркизиниң вухәндики вирологийә лабораторийәсигә йеқин бир җайда икәнликни ейтти.

У мундақ деди: «мәнчә вирус мәркизиниң у лабораторийә әмәсликни испатлаш хитайниң баш тартип болмайдиған мәсулийити.»

Питер наваррониң ейтишичә, вирус хитайда байқилип вирусниң таралғанлиқи ашкара елан қилинғиничә болған 6 һәптә ичидә хитай даирилири дуня сәһийә тәшкилатидики тәсиридин пайдилинип вирусни дуня хәлқидин йошурған вә бу җәрянда дуняниң һәммә йеридә сәһийә қоғдиниш әслиһәлирини җиддий топлиған. 

У йәнә мундақ деди: «һазир хитай тоннилиған қоғдиниш әслиһәлирини бесивалди вә буни пайда елиш үчүн ишлитиватиду. Бу адәмни чөчүтиду. Мәндә хитайда 0. 5 Долларға сетилидиған маскиларниң бу йәрдики дохтурханиларға 8 доллардин сетиливатқанлиқиға аит мәлуматлар бар.»

Әң дәсләп хитайниң вухән шәһиридә байқалған корона вируси нөвәттә пүтүн дуня миқясиға ямрап аз дегәндә 2 милйон 367 миң адәмни юқумландурған, 163 миң адәмниң җениға замин болған.

«Нйойорк почтиси гезити» ниң өткән һәптә хәвәр қилишичә, америкидики «M 3» вә «һанеййвел» қатарлиқ чоң типтики сәһийә сақлиқни сақлаш әслиһәлири ширкәтлириниң рәһбәрлири ақсарайға шикайәт қилип, хитайниң январ ейидила мәзкур ширкәтләр хитайда ишләпчиқарған мәһсулатларни експорт қилишқа болмайдиғанлиқи тоғрисида буйруқ чүшүргәнликини ейтқан.

Хитайниң бу қилмиши трамп һөкүмитиниң ғәзипини қозғиған. Улар хитайниң бу қилмишиға қариши қануний һәрикәт қоллинидиғанлиқини билдүргәниди.

Пикирләр (0)
Share
Толуқ бәт