Kishilik hoquqni küzitish teshkilati amérika qisimlirini agahlandurdi

Kishilik hoquqni közitish teshkilati peyshenbe küni doklat élan qilip, afghanistanda turushluq birleshme armiye qisimlirining gunahsiz puqralargha zexmet yetküzüsh qilmishi tüpeyli, rayon xelqining afghanistan hökümiti, shimaliy atlantik ehdi teshkilati we amérika qisimlirini qollash pozitsiyisining selbiy tesirge uchrawatqanliqini bildürdi.
Muxbirimiz eqide xewiri
2008-09-11
Share

 Kishilik hoquqni közitish teshkilatining mezkür doklati élan qilinishtin burun, amérika qoshunining 8 ‏ - ayda afghanistanning gherbide qozghighan hujumida 90 kishi hayatidin ayrilghan bolup, ularning köpinchisi balilar idi.

Kishilik hoquqni közitish teshkilati, 2006 ‏ - yilidin 2007 ‏ - yilghiche amérika qoshuni bilen shimaliy atlantik ehdi teshkilatining hujumlirida ölgen afghanlarning burunqidin 3 hesse köpeygenlikini tekitlidi.

Gerche amérika qisimliri, afghanistanning gherbide talibanlargha qarshi élip bérilghan hujumda, peqet 7 neper puqraning qaza qilghanliqini bildürgen bolsimu, biraq yéqinda ashkarilan'ghan bir sin alghu lintisida, bir meschit aldigha 90 kishining jesiti qoyulghanliqi hemde ularning köpinchisining balilar ikenliki melum boldi.

Kishilik hoquqni közitish teshkilatining doklatida yene, amérika armiyisining bu yil 7 ‏ - ayda hetta bir toy murasimi ötküzülüwatqan jaygha hujum qilip, bigunah kishilerni öltürgenliki élan qilindi.

Doklatta, taliban hemde qoralliq qarshiliq körsetküchilerningmu nurghunlighan puqralarning hayatigha zamin bolghanliqi tilgha élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet