Amérika xelq'ara diniy erkinlik komitéti yilliq doklatida xitayni eyiplidi

Amérika xelq'ara diniy erkinlik komitéti charshenbe küni " 2005 - yilliq xelq'ara diniy erkinlik weziyiti" doklatini élan qilip, xitayni öz ichige alghan 11 döletning diniy erkinlikni éghir derijide depsende qiliwatqanliqini körsetti.

Mezkur teshkilat doklatida, xitayni yene bir qétim " alahide endishe qilishqa tigishlik dölet" tizimlikige kirgüzdi. Doklatta éytilishiche, xitay hökümiti ötkenki bir yil ichide diniy erkinlikni depsende qilidighan qilmishlargha yol qoyghan , hetta dölet aparatidin paydilinip, puqralarning diniy erkinlikini basturghan.

Doklatta yene, Uyghurlarning weziyiti alahide tilgha élinip, xitay hökümitining térrorchiliqqa qarshi küreshtin paydilinip, Uyghur musulmanlirini basturiwatqanliqi körsitilgen.

Amérika xelq'ara diniy erkinlik komitétining doklatni élan qilish munasiwiti bilen ötküzgen muxbirlarni kütüwélish yighinigha, ataqliq Uyghur kishilik hoquq pa'aliyetchisi rabiye qadir xanimmu qatnashqan.

U komitét re'isi pirita bensil xanimdin, bu yil xitaygha qilidighan ziyaritide, Uyghur éligha baridighan- barmaydighanliqini sorighanda, bensil xanim, Uyghurlarning diniy erkinlik weziyitige intayin köngöl bölidighanliqini we xitaygha qilidighan ziyaritide Uyghur éligha bérishni xalaydighanliqini bildürdi. (Arzu)