دىلشات رىشىت باياناتىدا، خىتاي ھۆكۈمىتى بۇنىڭدىن بۇرۇن دۇنياغا بەرگەن ۋەدىسىگە خىلاپلىق قىلماسلىقى كېرەك؛ ھازىر بېيجىڭدا ئولىمپىك مۇسابىقىسى ئۆتكۈزۈلۈشكە يېقىن قالغان مۇشۇ كۈنلەردە، ئولىمپىكنى باھانە قىلىپ ئۇچۇر ئەركىنلىكىنى چەكلەشنى دەرھال توختىتىپ، ھەر قانداق مۇخبىرنىڭ شەرقى تۈركىستانغا بېرىپ بىمالال زىيارەت قىلىشىنى توسۇماسلىقى كېرەك، تۈرمىلەرگە قاماپ قويغان 'سىياسىي جىنايەتچى'لەرنى دەرھال قويۇپ بېرىشى كېرەك؛ شۇنداقلا، مۇخبىرلار زىيارەت قىلغان ئۇيغۇرلارغا ۋە ئۇلارنىڭ ئۇرۇق - تۇغقانلىرىغا زىيانكەشلىك قىلماسلىققا قايتىدىن ۋەدە بېرىشى كېرەك، دەپ تەكىتلىدى.
