Eydizning tarqilishi zeherlik chékimlik chekkenler arisida eng köp hésablinidu

 Eydizning Uyghur élidiki tarqilish sewebliri heqqide uzundin béri tekshürüsh élip bériwatqan déwid mezger, awghust éyida eydiz késellikining tarqilish ehwali heqqide ürümchide keng kölemlik bir tekshürüsh élip baridighan tetqiqat guruppisigha riyasetchilik qilidiken.

U amérikida chiqidighan " dé inko'ayrer" gézitige bergen bayanatida, eydizning zeherlik chékimlik chekküchiler arisida tarqilishining dunya buyiche Uyghurlar arisida eng yuqiri ikenlikini bildürgen. Uning éytishiche, ürümchide eydizning zeherlik chékimlik chékidighan Uyghurlar arisidiki tarqilish ehwali heqqide élip bérilghan bir tekshürüshte, eydizning zeherlik chékimlik chekküchiler arisidiki tarqilish nisbitining 30 pirsentke yétidighanliqi éniqlan'ghan. Halbuki amérikida eydizning zeherlik chékimlik chekküchiler arisidiki tarqilish nisbiti aq tenlikler arisida 5 pirsent, latin amérikiliqlar arisida 8 pirsent we qaratenlikler arisida 12 pirsent iken.

Tekshürüsh netijisige qarighanda, eydiz késellikining ürümchidiki omumi tarqilish nisbiti yilda 9 pirsent bolup, bu dunyada eydizning tarqilishi heqqidiki eng yuqiri nisbet hésablinidiken.