100 Etrapida islam militani pakistanning péshawar shehiridiki bir hökümet binasini ishghal qilghan

Shenbe küni 100 etrapida islam militani pakistanning péshawar shehiridiki bir hökümet binasini ishghal qilghan. Xewerlerge qarighanda, weqe jeryanida bina ichide qanchilik adem barliqi téxi melum emes iken.
Muxbirimiz ömer qanat xewiri
2008-09-13
Share

 Péshawar saqchi idarisining xadimi hesen xanning franisye agéntliqigha bildürüshiche, nahayiti xil qorallar bilen qorallan'ghan militanlar téxi teleplirini otturigha qoymighan.

Pakistan armiyisining awghust éyida, pakistan afghanistan chégra rayonidiki taliban küchlirige qarita bashlatqan herbiy herikiti dawamlishiwatqan bolup, pakistan herbiy xadimlirining bildürüshiche, shenbe künidiki toqunushlarda taliban küchlirige qattiq zerbe bérilgen.

Bu arida jüme küni afghanistandiki amérika qisimliri teripidin étilghan bir bashqurulidighan bomba pakistanning gherbiy shimaliy rayonida 14 kishning ölüshige seweb boldi. Bu amérika qisimliri teripidin mushu ay ichide pakistan térritoriyisige étilghan 5‏ - bashqurulidighan bomba hésablinidu. Amérika qisimlirining bu hujumliri pakistan - amérika munasiwetlirining künséri jiddilishishige seweb bolmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet