Islam - abad shehiridiki mariyot méhmanxanisi özini öltürüwélish xaraktérlik hujumgha uchridi

Pakistanning paytexti islam shehiridiki mariyot méhmanxanisigha qarita élip bérilghan özini öltürüwélish xaraktérlik hujumda az dégende 34 kishi ölgen 200 adem yarilan'ghan.
Muxbirimiz ömer qanat
2008-09-20
Share

Xewerlerge qarighanda, hujumda ölgenlerning asasliq qismi, mihmanxana aldida mushtiri saqlap turghan takisi shopurliri, mihmanxana qoghdighuchiliri we xizmetchiler iken. Pakistan saqchi da'iriliri weqe ning iptar waqtidin uzun ötmey bergenlikini bildürdi.

Pakistan ichki ishlar ministiri réhman malikning éytishiche, pakistan bixeterlik da'iriliri ikki kün burun bir hujum élip bérilidighanliqi heqqide bir tehdit alghan bolup, bundaq bir hujumning aldini élish üchün barliq tedbirlerni yolgha qoyghan.

Pakistanning yéngi saylan'ghan prézidénti asif eli zerdari mariyot méhmanxanisi aldida yüz bergen partlashtin bir nechche sa'et burun pakistan parlaméntida söz qilip, pakistanda térrorchiliqning yiltizini qurutidighanliqi toghrisida wede bergen idi.

Pakistan hökümiti bügün bir bayanat élan qilip mezkur hujumni qattiq eyiblidi hemde bundaq hujumlar hökümetning térrorluqqa qarshi turush toghrisidiki iradisige tesir yetküzelmeydu, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.