Amérika Uyghurlarning öz-teqdirini belgilesh mesilisige arilishishi kérek

2007-03-01
Élxet
Pikir
Share
Print

Rozwélt institutining mutexessisi Christin Aucunus birinchi mart küni amérikining tashqi siyasiti we islam dunyasi bilen munasiwiti heqqide maqale élan qilip, amérika hökümitini, islam dunyasidiki obrazini qaytidin tiklesh üchün, Uyghurlarning öz teqdirini özi belgilish mesilisige arilishishqa chaqirdi.

Christin Aucunus Washin'gtondiki jorj washin'gton uniwérsitéti oqughuchilirining géziti bolghan The Daily Colonial ning torbétide élan qilghan maqalisida "biz islam dunyasida obrazimizni qaytidin tikishimiz lazim. Shunga amérika hökümiti musulman bir xelq bolghan Uyghurlarning öz teqdirini öz belgilish mesilisini bir terep qilish üchün, xitayni söhbetke zorlishi kérek" dégen.

Uning éytishiche, bundaq bir heriket amérikining musulman xelqler ichidiki obrazining qaytidin yaxshilinishi üchün paydiliq bolidiken hemde musulman döletlerde, gherb döletlirige qarshi mewjut héssiyatining téximu küchiyip kétishining aldini alghili bolidiken.

Maqalide tekitlinishiche, xitay hökümitining nöwette Uyghurlargha qaratqan qattiq qol siyasiti, xelq'ara jama'etning bu mesilige arilishini telep qilidighan bir pellige yetken. (Eqide)

Pikirler (0)
Share
Toluq bet