Arxip
2008-09-21
Isra'iliye bash ministiri ormut yekshenbe küni resmiy istipa bergenlikini élan qildi.
2008-09-20
Pakistanning paytexti islam shehiridiki mariyot méhmanxanisigha qarita élip bérilghan özini öltürüwélish xaraktérlik hujumda az dégende 34 kishi ölgen 200 adem yarilan'ghan.
2008-09-20
Groziye, amérika we yawropa ittipaqi, rusiyini jenubiy ossétiye we abxaziyidiki herbiy qisimlirini, mezkur rayonlardin chékindürüshke chaqiriwatqan bir peytte, rusiye bash ministiri wladimir putin, rusiyining abxaziye we jenubiy ossétiyidiki herbiy qisimlirini chékindürüsh toghrisida peqet rusiye, jenubiy ossétiye we abxaziye hökümetliri qarar béreleydu, dep körsetti.
2008-09-18
Nöwettiki iqtisadiy krizislarning tesirini azaytish üchün, xitay we amérika soda söhbiti ötküzmekte. Xewerlerge qarighanda söhbetning muzakire témisi, ikki dölet arisiki yéza igilik mehsulatliri sodisi, yimek bixeterliki mesilisi, mehsulatlarning patént hoquqi mesilisi qatarliq köp tereplime mesililerni öz ichige alidu.
2008-09-18
Amérika tashqi ishlar ministiri kandiliza rays bügün rusiyining xelq'ara mesililer heqqidiki pozitsiyisini eyiblidi. U sözide rusiyini dölet ichi mesiliside diktatorluq qiliwatidu, xelq'ara mesililerde bolsa öktemlik qiliwatidu dep agahlandurdi we rusiyining yéqindin buyanqi texirsiz heriketlirining xetirini eskertip ötti.
2008-09-17
Rusiye bügün, abxaziye we jenubiy ossétiye bilen dostluq shertnamisi imzalidi. Shertnamige rusiye prézidénti Medvedev, jenubiy ossétiye lidéri Eduard Kokoity we abxaziye lidéri Sergei Bagapsh lar imza qoydi.
2008-09-15
Amérika prézidént kandidatliri barak obama we jon mékkéyinlar özlirining xitay siyasetlirini sherhiligen bolup, buningda her ikkila kandidat xitay soda munasiwetliri jehette köp toxtalghandin bashqa yene, xitayni öz puqralirining kishilik hoquqlirini qoghdashqa chaqiridighanliqini otturigha qoydi.
2008-09-14
Yekshenbe küni rusiyining xelq'ara we dölet ichige qatnaydighan hawa yolliri shirkiti "ayréflot" ning bir yoluchilar ayropilani ural taghliq rayonida chüshüp ketken.
2008-09-14
Shenbe küni türkmenistan paytexti ashxabatta qoralliq toqunush yüz bergen bolup, türkmenistan saqchi da'iriliri bir zeherlik chékimlik etkeschilik guruppisini tarmar qilghanliqini élan qilghan.
2008-09-14
Rusiye hökümiti shenbe küni yawropa ittipaqining wasitichiliqi bilen tüzülgen kélishimge bina'en bir qisim qoshunlirini gruziyidin chékindürüshni bashlighan bolup, yawropa ittipaqi gruziyige 200 kishilik bir tekshürüsh hem közitish ömiki ewetidu.
2008-09-13
Rusiye, groziye bilen imzalan'ghan urush toxtitish kélishimige asasen shenbe küni groziyining qara déngizdiki eng asasliq porti hésablan'ghan puti shehiri we etrapidiki herbiy qisimliri chékindürgen. Fransiyining teshebbusi bilen imzalan'ghan mezkur kélishimge asasen rusiye rayondiki herbiy qisimlirini 15 séntebir künigiche rayondin chékindürüp chiqishi kérek idi.
2008-09-13
Shenbe küni 100 etrapida islam militani pakistanning péshawar shehiridiki bir hökümet binasini ishghal qilghan. Xewerlerge qarighanda, weqe jeryanida bina ichide qanchilik adem barliqi téxi melum emes iken.
2008-09-12
Amérika metbu'atliri prézidént jorj bushning yéqinda amérika qisimlirigha pakistan chégrisi ichidiki taliban we el - qa'ide bazilirigha pakistan hökümitidin ruxset almay hujum qilish buyruqi chüshürgenlikini ashkarilidi
2008-09-11
Kishilik hoquqni közitish teshkilati peyshenbe küni doklat élan qilip, afghanistanda turushluq birleshme armiye qisimlirining gunahsiz puqralargha zexmet yetküzüsh qilmishi tüpeyli, rayon xelqining afghanistan hökümiti, shimaliy atlantik ehdi teshkilati we amérika qisimlirini qollash pozitsiyisining selbiy tesirge uchrawatqanliqini bildürdi.
2008-09-11
Amérikining nyuyork shehiride 11 - séntebir térrorluq hujumida qurban bolghanlarni xatirilesh murasimi ötküzüldi. 7 Yil ilgiri yüz bergen mezkür térrorluq hujumida az dégende 3000 adem hayatidin ayrilghan.