Ашхабатта етишиш йүз бәрди

Шәнбә күни түркмәнистан пайтәхти ашхабатта қораллиқ тоқунуш йүз бәргән болуп, түркмәнистан сақчи даирилири бир зәһәрлик чекимлик әткәсчилик гурупписини тармар қилғанлиқини елан қилған.
Мухбиримиз үмидвар хәвири
2008.09.14

 Бирақ, һөкүмәтниң бу рәсмий учуридин кишиләр гуманлинидиғанлиқини билдүрүшкән болуп, бәзи кишиләр ашхабад шәһәр кочисида етишиш йүз берип, аз дегәндә 20 нәччә адәмниң өлгәнликини билдүрүшкән.

Б б с агентлиқиниң йезишичә, шу күни кочиларда бронивиклар вә сақчи күчлири чарлаш елип барған болуп, бәлки бу қандақтур бир зәһәрлик чекимлик әткәсчилик гурупписи әмәс бәлки һөкүмәткә қарши исламий гуруппа вә яки өктичиләрниң қораллиқ адәмлири билән һөкүмәт күчлири арисидики тоқунуш болуш еһтималлиқи илгири сүрүлмәктә.

Пәрғанә агентлиқиниң"түркмәнистан йилнамиси" дәп аталған өктичиләрниң тор бетидики учурлар асасида бәргән хәвиригә қариғанда, қораллиқ адәмләр ашхабадтики бир ичимлик су завутини игиливалған болуп, һәтта уларниң қолида гранат атқучи қораллар вә башқилар бар икән. Улар һәтта икки һәрбий броневикни пачақливәткән икән. Өлгәнләрниң ичидә әскәрләр вә сақчиларму бар икән.

Һәтта, түркмәнистан тәрәпниң русийидин ярдәм сориғанлиқи һәққидә учурларму пәйда болған. Омумән, ашхабадтики вәқәләр һәққидики учурлар һәр хил болмақта шуниңдәк буниң сабиқ президент сәпәр мурат ниязоф вә униңдин кейин һакимийәткә чиққан қурбангүл бәрди муһәммәдоф һөкүм сүргән 20 йилдин артуқ мусапә ичидә ашхабатта йүз бәргән бир қетимлиқ чоң тоқунуш вәқәси икәнлики илгири сүрүлмәктә.
 

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.