Ashxabatta étishish yüz berdi

Shenbe küni türkmenistan paytexti ashxabatta qoralliq toqunush yüz bergen bolup, türkmenistan saqchi da'iriliri bir zeherlik chékimlik etkeschilik guruppisini tarmar qilghanliqini élan qilghan.
Muxbirimiz ümidwar xewiri
2008-09-14
Share

 Biraq, hökümetning bu resmiy uchuridin kishiler gumanlinidighanliqini bildürüshken bolup, bezi kishiler ashxabad sheher kochisida étishish yüz bérip, az dégende 20 nechche ademning ölgenlikini bildürüshken.

B b s agéntliqining yézishiche, shu küni kochilarda broniwiklar we saqchi küchliri charlash élip barghan bolup, belki bu qandaqtur bir zeherlik chékimlik etkeschilik guruppisi emes belki hökümetke qarshi islamiy guruppa we yaki öktichilerning qoralliq ademliri bilen hökümet küchliri arisidiki toqunush bolush éhtimalliqi ilgiri sürülmekte.

Perghane agéntliqining"türkmenistan yilnamisi" dep atalghan öktichilerning tor bétidiki uchurlar asasida bergen xewirige qarighanda, qoralliq ademler ashxabadtiki bir ichimlik su zawutini igiliwalghan bolup, hetta ularning qolida granat atquchi qorallar we bashqilar bar iken. Ular hetta ikki herbiy bronéwikni pachaqliwetken iken. Ölgenlerning ichide eskerler we saqchilarmu bar iken.

Hetta, türkmenistan terepning rusiyidin yardem sorighanliqi heqqide uchurlarmu peyda bolghan. Omumen, ashxabadtiki weqeler heqqidiki uchurlar her xil bolmaqta shuningdek buning sabiq prézidént seper murat niyazof we uningdin kéyin hakimiyetke chiqqan qurban'gül berdi muhemmedof höküm sürgen 20 yildin artuq musape ichide ashxabatta yüz bergen bir qétimliq chong toqunush weqesi ikenliki ilgiri sürülmekte.
 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet