Америка, хитайни хәлқ пулиға болған контроллуқ мәсилисидә агаһландурди


2005-05-18
Share

Буш һөкүмити хитайни, хәлқ пулиниң америка доллири билән болған тегишиш нисбитини мәқсәтлик контрол қиливелиш мәсилисидә йәнә бир қетим қаттиқ агаһландурди.

Америка бирләшмә агентлиқиниң хәвиригә қариғанда, америка малийә министирлиқи сәйшәнбә күни хитайға бесим ишлитип, хитайниң бу һәрикитиниң пулни монопол қилиш болуп һесаблинидиғанлиқини, хитай әгәр пул сияситини өзгәртмисә, хитайниң иқитсадий җазаға тартилидиғанлиқини агаһландурди.

Америка дөләт мәҗлиси вә америкидики ишләпчиқириш орунлири буш һөкүмитини хитайға бу һәқтә бесим ишлитишкә көп қетим чақириқ қилған болуп, дөләт мәҗлиси әзаси чарлиз шумерниң билдүрүшичә, әгәр хитай хәлқ пулиниң америка доллири билән болған тегишиш нисбитини тәңшимисә, у һалда америка һөкүмити җаза сүпитидә, хитайдин киридиған импорт малларға аз дегәндә 27٪ баҗ қойидикән.

Хитай һөкүмити америкиниң бу агаһландуришиға дәрһал наразилиқ билдүрүп, америкиниң дөләт ичидики иқтисадий мәсилилирини бир тәрәп қилишини һәмдә буни хитайдин көрмәслики керәкликини билдүрди.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт