Amérika, xitayni xelq puligha bolghan kontrolluq mesiliside agahlandurdi


2005-05-18
Share

Bush hökümiti xitayni, xelq pulining amérika dolliri bilen bolghan tégishish nisbitini meqsetlik kontrol qiliwélish mesiliside yene bir qétim qattiq agahlandurdi.

Amérika birleshme agéntliqining xewirige qarighanda, amérika maliye ministirliqi seyshenbe küni xitaygha bésim ishlitip, xitayning bu herikitining pulni monopol qilish bolup hésablinidighanliqini, xitay eger pul siyasitini özgertmise, xitayning iqitsadiy jazagha tartilidighanliqini agahlandurdi.

Amérika dölet mejlisi we amérikidiki ishlepchiqirish orunliri bush hökümitini xitaygha bu heqte bésim ishlitishke köp qétim chaqiriq qilghan bolup, dölet mejlisi ezasi charliz shumérning bildürüshiche, eger xitay xelq pulining amérika dolliri bilen bolghan tégishish nisbitini tengshimise, u halda amérika hökümiti jaza süpitide, xitaydin kiridighan import mallargha az dégende 27٪ baj qoyidiken.

Xitay hökümiti amérikining bu agahlandurishigha derhal naraziliq bildürüp, amérikining dölet ichidiki iqtisadiy mesililirini bir terep qilishini hemde buni xitaydin körmesliki kéreklikini bildürdi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet