"йезиш әркинлики көрсәткүчи" гә қамақтики 40 уйғур зиялийси киргүзүлди

Мухбиримиз мәмәтҗан җүмә
2021-04-25
Share
2020-Йиллиқ "йезиш әркинлики көрсәткүчи" гә қамақтики 40 уйғур зиялийси киргүзүлди.
pen.org

Америка қәләмкәшләр җәмийити елан қилған 2020-йиллиқ "йезиш әркинлики көрсәткүчи" доклатида көрситишичә, хитай йәнә язғучи, зиялий вә тәтқиқатчилар әң көп қамалған дөләт қатаридин орун алған болуп, мәзкур доклатқа қамақтики 40 нәпәр уйғурлар зиялийси киргүзүлгән.

23-Апрел доклат елан қилиш мунасивити билән өткүзүлгән интернет йиғиниға язғучилар әң көп тутулған районларниң вәкили сүпитидә тутқундики уйғур зиялийси, даңлиқ журналист қурбан мамутниң оғли бәһрам синташ тәклип қилинған.

Йиғинда Доклат тәйярлиғучиларниң карин Карликар (Karin Deutsch Karlekar) Ханим Сөз қилип, дктатор һакимийәтләрниң әркин пикир қилғучиларни терроризм қалпиқи билән бастурушиниң омумий һадисигә айлинип Қиливатқанлиқини оттуриға қойған.

Бәһрам синташ Мундақ дегән: "2017- йилдин Буян тәхминән 380 Дин Артуқ уйғур сәрхиллири терроризм Вә бөлгүнчилик қалпиқи билән түрмә яки йеғивелиш лагерлириға соланди. Хәлқарадики Һәрқайси тәшкилатларниң хитайниң пүткүл бир милләт яки Етник топлуқни терроризм қалпиқи Арқилиқ омумйүзлүк җазалаштәк йолсизлиқиға тақабил туруш мәсулийити Бар."

Доклатқа 2020-йили дуня миқясидики 35 дөләттә язған әсәрлири сәвәблик әркинликидин мәһрум қилинған 273 нәпәр зиялий, тәнқидчи вә язғучи-шаирлар киргүзүлгән.

Буларниң арисидики 81 нәпәр язғучи хитайда тутқун қилинған болуп, буниң 50 пирсәнти йәни 40 нәччә нәпири уйғур елидә икән. Шуниң билән уйғур райони дуняда язғучи-шаирлар әң көп қамалған район, дәп аталған.

Доклатта, һазир хитайда тутқундики қурбан мамут, абдуқадир җалалидин, раһилә давут, ялқун рози, абдурахман әбәй, ваһитҗан осман, ясин зилал вә илһам тохти қатарлиқ 40 даңдар уйғур зиялийси, җамаәт әрбаби вә язғучиси қисқичә тәрҗимиһали билән тонуштурулған.

Буларниң арисида илһам тохти муддәтсиз,  ялқун рози  15 йиллиқ  қамақ җазасиға һөкүм қилған болса, қурбан мамут вә раһилә давут қатарлиқларниң 2017-йилидин буян тутқунда икәнлики дәлилләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт