Дуняви теббий журнал уйғурларға қаритилған зиянкәшликләр һәққидә муназирә башлаш тәклипини рәт қилған
Дуняға даңлиқ теббий журнал "лансет" ға мәктуп йоллап, уйғурларға қаритилған зиянкәшликләр һәққидә муназирә башлаш тәклипини оттуриға қойған германийәлик даңлиқ роһий кесәлләр дохтури томас шулзе.
Social Media
Дуняви шөһрәткә игә теббий журнал - "лансет" германийәлик нопузлуқ роһий кесәлләр дохтуриниң хитай алимлириниң уйғурларға қаритилған зиянкәшликләрдики роли һәққидә муназирә башлаш тәклипини рәт қилған.
Әнгилийәдин чиқидиған "күндилик мәктуп" гезитиниң хәвәр қилишичә, германийәлик даңлиқ роһий кесәлләр дохтури томас шулзе бу йилниң бешида, дуняға даңлиқ теббий журнал "лансет" ниң баш муһәррири ричард хортонға мәктуп йоллап, хитай алимлириниң уйғурларға қаритилған зиянкәшликләрдә хитай һөкүмити билән болған шериклики тоғрисида мәзкур журналда муназирә башлаш тәклипини оттуриға қойған.
Хәвәрдә көрситишичә, униң мәзкур муназирини башлаш идийәси хитайниң уйғурларға қаратқан "зулум характерлик назарәт қилиш, ирсийәт санлиқ мәлуматлирини топлаш, мәҗбурий туғмас қилиш вә вәһшийлик қаплиған җазалаш лагерлириға соланған мәһбусларниң ички әзалирини йиғивелиш" қатарлиқ қилмишлири һәққидә оттуриға чиқиватқан вәһимилик хәвәрләрдин туғулған икән.
Хәвәрдә нәқил қилишичә, профессор шулзе "лансет" ниң баш муһәррири ричард хортонға йоллиған мәктубида мундақ дәп язған: "ишинимизки, хитайдики кишилик һоқуқ вәзийити чидиғусиз вә мисли көрүлмигән дәриҗигә берип йәтти. Биз әмди сүкүт қилсақ болмайду. Һеч болмиғанда есил илмий әнәнимиз бойичә бу һәқтә очуқ муназирә елип беришимиз керәк."
Профессор шулзе "лансет" журнилиниң бу хил мәсилиләрдә илгири тутқан мәвқәлирини көздә тутуп, униң сиясий талаш-тартиштин өзини қачурмайдиғанлиқиға ишәнгән.
Һалбуки, "лансет" ниң баш муһәррири ричард хортон профессор шулзениң тәклипигә қайтурған җавабида мәзкур журналниң хитайдики муһәрририни хәтәргә иттиридиған һәр қандақ ишни қилишни халимайдиғанлиқини билдүргән.
Профессор шулзе "күндилик мәктуп" гезитигә қилған сөзидә, униң бу җавабидин һәйран қалғанлиқини вә буниң бейҗиңға "боюн егишниң ениқ етирап қилиниши" икәнликини ейтқан.
У йәнә мундақ дегән: "илмий мустәқиллиқ вә сөз-пикир әркинлики ғәрб җәмийитидә кәм болса болмайду, тәсири күчлүк журналлар бу қиммәт қарашлириниң пүтүнлүкигә зиян йәткүзидиған орунға чүшүп қалмаслиқи керәк."
Хәвәрдә көрситишичә, нурғун кишиләр "лансет" ниң баш муһәрриригә хитай һакимийитигә болған һерисмәнлик тоғрисида агаһландуруш бәргән.
Ричард хортон 26 йилдин буян 198 йиллиқ тарихқа игә "лансет" теббий журнилиниң баш муһәррирлик вәзиписини өтәп кәлмәктә.
Хәвәрдә көрситишичә, у илгири әнгилийә вә америка һөкүмәтлириниң корона вабасиниң алдини елиш тәдбирлирини әйиблигән болсиму, әмма хитайни қоғдиған вә һәтта уни вирус мәнбәси, дәп әйибләшниң адаләтсизлик болидиғанлиқини тәкитлигән икән.
- Лагерда вәзипә өтигән сақчи нурмәмәт йүсүпниң өзини өлтүрүвалғанлиқи ашкариланди
- Доктурант фирқәт юнус: мениң бу нәтиҗилирим биздин бурунқиларниң мувәппәқийәтлиригә селиштурғанда һечнемә әмәс!
- Анализчилар әркин туниязниң уйғур аптоном райониға мувәққәт рәисликкә қоюлушидики арқа көрүнүш һәққидә тохталди
- Өркәш дөләт: "хитай һөкүмити уйғурларни бойсундуралмиғанлиқи үчүн ирқий қирғинчилиқ йүргүзүватиду"
- Һидайәтулла оғузхан: "дуня җамаитини шәрқий түркистан хәлқиниң мәвҗутлуқ күришини қоллашқа чақиримиз"
