Ши җинпиң уйғурларни ассимилятсийә қилиш сияситини изчил давамлаштуридиғанлиқини билдүргән

Мухбиримиз җүмә
2020-09-27
Share
shi-jinping-19-qurultay-siyasiy-byuro.jpg Хитай дөләт рәиси ши җинпиң хитай коммунистик партийәси 19-қурултийида сиясий бюро даимий комитети әзалириниң исмини елан қилғач чавак челип уларни тәбриклимәктә. 2017-Йили 25-өктәбир, бейҗиң.
AP

Хитайниң уйғурларға қарита ирқий қирғинчилиқ сиясити йүргүзүватқанлиқи хәлқара ахбаратлар көп көрүлүшкә башлиған мәзгилдә, хитайниң баш секретари ши җинпиң уйғурларни ассимилятсийә қилиш сияситини изчил давамлаштуридиғанлиқини билдүргән.

"вал стрет журнили гезити" ниң хәвәр қилишичә, ши җинпиң буларни бейҗиңда ечилған хитайниң шинҗаң сиясити һәққидики икки күнлүк йиғинда оттуриға қойға. 

У шәнбә күни мундақ дегән: "әмәлийәт шуни испатлидики, партийәниң йеңи дәврдә шинҗаңни башқуруш истратегийиси пүтүнләй тоғра."

Мәлум болушичә, бу йиғинға хитайниң юқири дәриҗилик партийә рәһбәрлири, мәркәз вә уйғур аптоном районидин кәлгән һөкүмәт әмәлдарлири қатнашқан.

Ши җинпиң уларға шинҗаң истратегийәсини изчиллаштурушни бир сиясий вәзипә сүпитидә тонушқа буйруған.

У йәнә, "шинҗаң мәсилисини бир тәрәп қилиш үчүн дөләтниң һәммә җайлиридики рәһбәрлик қатлимидикиләрниң толуқ иттипақлишиши лазимлиқи" ни билдүргән.

Мәлум болушичә, бу нөвәт бейҗиңда ечилған бу йиғин 2014-йилидин буян шинҗаң мәсилиси тоғрисида ечилған тунҗи муһим йиғин болуп һесаблинидикән. 

Хитай һөкүмити 2016-йилиниң ахирдин буян уйғур дияриға қаратқан сияситини җиддий өзгәртип, уйғур тилини маарип вә һөкүмәт саһәсидин пүтүнләй чиқирип ташлиған, 2017-йилидин башлап милйонлиған бигунаһ уйғурни "қайта тәрбийәләш" намидики җаза лагерлириға қамиған. 

Кейин буларниң бир қисиминиң қул әмгикигә тутулғанлиқи, хитайниң уйғур аяллириға қарши мәҗбурий туғут чәкләш сиясәтлирини йүргүзүлгәнлики қатарлиқ сирлар ашкариланған. Охшимиған ахбаратларда бу сиясәтләр "ирқий қирғинчилиқ", "нопус қирғинчилиқи" вә "мәдәнийәт қирғинчилиқи" қатарлиқ кәлимәләр билән сүрәтләнгән.

Буниң алди-кәйнидә хитайниң мәзкур сииясити сәвәблик хитай маллирини байқут қилиш пикирлири улғайған, америка уйғур елдики кишилик һоқуқ дәпсәндичиликидә қоли бар чен чуәнго қатарлиқ хитай әмәлдарларға җаза елан қилған, 30 дин артуқ хитай ширкити қара тизимликкә елинған иди.

"вал стрет журнили гезити" ниң көрситишичә, ши җинпиңниң юқириқи сөзлири униң уйғур елидә йолға қоюлған юқири бесимлиқ бастуруш сиясәтлирини очуқ ашкара вә әң күчлүк рәвиштә қоллиғанлиқини көрситидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт