Xitayning aq tashliq kitabi: “Xitay kompartiyesi bolmisa xitay bölünüsh we parchilinish yoligha qarap mangidu”

Muxbirimiz irade
2019.09.27
Xitay-Aqtashliq-Kitap-201909.jpg Xitayning dölet ishliri kabinétining axbarat ishxanisi “Yéngi dewrdiki xitay we dunya” témisida bir parche aq tashliq kitab élan qili. 2019-Yili 27-séntebir.
Social Media

Hörmetlik radi'o anglighuchilar, bu yil 10-ayning 1-küni xitay xelq jumhuriyiti qurulghanliqining 70 yilliq xatire künige sanaqliq künler qalghan bir peytte xitay hökümet taratquliri keng teshwiqat xizmetlirini bashliwetti. Xitayning bu yilliq dölet bayrimi munasiwiti bilen qanat yaydurghan teshwiqat pa'aliyetliri “70 Yilliq ulugh musape, shanliq muweppeqiyet” bash témisida qanat yayduruluwatqan bolup, uningda asasliqi xitay kompartiyesining yétekchilikide xitayda 70 yildin buyan zor we shanliq netijiler qolgha keltürülgenliki, xitay kompartiyesi bolghachqila xitayning bügünkidek haletke yétip kelgenlikidek bir merkizi idiye algha sürülmekte.

27-Séntebir küni, yeni xitayning dölet ishliri kabinétining axbarat ishxanisi “Yéngi dewrdiki xitay we dunya” témisida bir parche aq tashliq kitab élan qilip, xitayda 70 yildin buyan barliqqa kelgen barliq netijilerning xitay kompartiyesining rehberliki bilen munasiwetlik ikenliki, shunga xitay kompartiyesining rehberliki we yétekchilikide dawamliq ching turushning intayin muhimliqi tekitlen'gen. 

Diqqet qozghaydighini, aq tashliq kitabta eger xitay kompartiyesining rehberliki bolmaydiken, xitayning bölünüp, parchilinip kétidighanliqi ilgiri sürülgen. Uningda mundaq déyilgen: “Xitayning kölimi chong, dölet weziyiti murekkep, döletni bashqurush qéyinliq derijisi yuqiri. Eger birlikke kelmigen, qudretlik bir rehberlik tüzümi bolmaydiken, xitay bölünüsh we parchilinish yoligha qarap mangidu we bu dunyagha zor apet élip kélidu.” 

Közetküchilerning qarishiche, xitay hökümitining bundaq aq tashliq kitablirida xitayning “Bölünüshi we parchilinishi” din söz échishi ilgiri körülüp baqmighan ehwal iken. Bu heqte pikir bayan qilghan amérika Uyghur birleshmisining re'isi élshat hesen ependining éytishiche, sabiq sowét ittipaqigha oxshash hakimiyetlermu ilgiri 70 yil etrapida ömür körgen we xitay kompartiyesimu bu yil del shu 70 yilini kütüwélish aldida turuwatqan bir peytte xitayning hazir ichki we tashqi jehettiki mesililiri barghanséri zoriyip méngiwatqanliqtin nurghunlighan közetküchilerde xitay kompartiyesiningmu halak bolidighan waqti yétip keldi, dégen qarash omumlashmaqtiken. Xitay hökümiti shunga xitaygha kompartiyening yétekchilik qilmisa bolmaydighanliqidek bir sepsetini ilgiri sürüsh arqiliq özining hayatini dawamlashturushni niyet qilmaqtiken. 

Derweqe, yéqinda amérikaning The Hill, yeni amérika dölet mejlisi ezaliri da'imliq oquydighan “Xél”, yeni “Dölet mejlisi” namliq zhurnalda “Xitayning bextiyar kélechiki-bir sistéma we 6 dölet” mawzuluq bir parche maqale élan qilin'ghan we u maqalidimu xitay kompartiyesining ömri mulahize qilin'ghan idi. 

Mezkur maqale 2005-yilidin 2006-yilighiche amérika mudapi'e ministirliqida xitay ishliri diréktori bolup ishligen we hazir istratégiye tetqiqat orunlirida tetqiqatchi bolup ishlewatqan joséf bosko teripidin yézilghan. U maqaliside tarixi pakitlardin qarighanda herqandaq kommunist partiye hakimiyitining ömrining 70 yil bolghanliqini we hazir xitay kompartiyesiningmu del ömrini axirlashturidighan mezgilge kelgenlikini bildürgen idi.

U mundaq dégen: “Tiyen'enmén qirghinchiliqining aldi we keynidiki gherbning toghra bolmighan siyasetliri tüpeylidin 40 yilliq ömrini uzartiwalghan xitay xelq jumhuriyiti axiri ömrining axirqi nuqtisigha yétip keldi. Donald tramp we xongkong bolsa uning halakitining qongghuraq sadasidur”.

Aptor mulahiziside amérika-xitay arisidiki soda ixtilapining xitaygha keltürüwatqan ziyinining körünerlik derijide éghirliqini, eger bu mushundaq dawam qilsa, xitayning dölet ichidiki muqimliqqa séliwatqan ghayet zor meblighini shundaqla “Junggo arzusi” ramkisi astidiki pilanlirini dawamlashturushi mumkin bolmaydighanliqini bildürgen we xitaydiki barliq xelqlerning bextiyar hayatini dawamlashturushi üchün xitayni démokratiye tüzümini ornatqan halda xongkong, teywen, sherqiy türkistan, tibet qatarliq 6 döletke parchilashning eng toghra yol bolidighanliqini bayan qilghan. 

Élshat hesen ependining bayan qilishiche, hazir bundaq köz qarash barghanséri omumlashmaqtiken. 

Melum bolushiche, bu yil 19-séntebir küni, yawropa ittipaqi ilgiri körülüp baqmighan bir qarar maqullap, natsizim bilen kommunizmdin ibaret ikki tüzümni 20-esirde insaniyetke balayi'apet keltürgen tüzüm, dep békitish heqqide bir parche qararname maqullighan. 

“Zimistan” tori bu heqtiki xewiride xitay kompartiyesiningmu kommunizmni asas qilghan bir hakimiyet ikenlikini we uning hazir milyonlighan Uyghur xelqini lagérlargha solap jazalawatqan bolsa, tarixtimu nurghun xitay puqralirining ölümige seweb bolghanliqini ipade qildi we xitay hakimiyitiningmu eyiblinishi kéreklikini tekitlidi. 

Élshat hesen ependimu sözide kommunizm we natsizimdin ibaret bu ikki tüzümning yiltizining birlikini ipade qildi we xitay kompartiyesiningmu tarixtin béri nurghun jinayetlerni sadir qilghanliqini tekitlep, xitay kompartiyesi bolmighan bolsa hazirqi xitay térritoriyisi ichide yashawatqan Uyghur, tibet we xitay qatarliq xelqlerning bügünkidek paji'elerge uchrimaydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.