Lozanda xitayda ötküzülmekchi bolghan olimpik musabiqisige qarshi zor kölemlik namayish élip bérildi

Ixtiyariy muxbirimiz ekrem
2021-06-23
Share

Yawropadiki Uyghurlar, tibetler, mongghullar, xongkongluqlar we xelq'araliq kishilik hoquq teshkilatliri birlikte béyjing qishliq olimpik musabiqisige qarshi namayish ötküzdi.

Bügün, yeni 6-ayning 23-küni "Xelqara olimpik küni" munasiwéti bilen d u q ning teshebbusi, "Sherqiy türkistan teshkilatliri hemkarliq munbiri" ning qarari, Uyghur, tibet, mongghul, xongkongliqlar hemde bashqa xelq'araliq kishilik hoquq teshkilatlirining hemkarliqida shiwétsariyening lozan shehridiki xelq'ara olimpik komitétining merkizi binasi aldida 2022-yilliq béyjing qishliq olimpik musabiqisige qarshi keng kölemlik namayish élip bérilghan.

Bu qétimqi namayish d u q 2018-yili 4-ayning 27-küni bélgiye paytexti biryussélda, 2018-yili 11-ayning 7-küni jenwediki b d t binasi aldida ötküzgen "5 Ming kishilik namayish" tin kéyinki yene bir qétimliq kölimi zor namayish bolup hésablinidiken. Namayishqa yawropaning herqaysi sheherliridin köpligen Uyghurlar kélip qatnashqandin sirt, tibetler, xongkongluqlar, mongghullar we yawropadiki bezi kishilik hoquq teshkilatlirimu qatnashqan. Shuning bilen birge, bügün yene d u q ning chaqiriqi bilen yawropa, amérika, awistraliye qatarliq qit'ediki 40 tin artuq dölette "Irqiy qirghinchiliq olimpikini bayqut qilayli" dégen shu'ar astida oxshash meqsedte namayishlar élip bérilghan.

Shiwétsariyening lozan shehridiki namayish chüshtin kéyin sa'et 13:00 de sherqiy türkistanning we tibetning istiqlal marshi bilen bashlan'ghan. Namayish muqeddimiside d u q re'isi dolqun eysa ependi Uyghurche we in'gilizche nutuq sözlep, xitayning sherqiy türkistanda élip bériwatqan "Irqiy qirghinchiliq" jinayetlirini qattiq eyibligen.

Töwende lozandin ziyaritimizni qobul qilghan birqisim Uyghurlarning mezkur namayish toghrisidiki tesiratlirini hozurunglargha sunimiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet