گۇاڭشىدا پىلانلىق تۇغۇت سىياسىتىگە قارشى كەيپىيات يەنىلا جىددى


2007-05-25
Share

گۇاڭشى جۇئاڭ ئاپتونوم رايونىنىڭ بوبەي ناھىيىسىدە پىلانلىق تۇغۇت سىياسىتى كەلتۈرۈپ چىقارغان ۋە 28 كىشىنىڭ قولغا ئېلىنىشىغا سەۋەبچى بولغان توقۇنۇشتىن كېيىن، ۋەزىيەت يەنىلا جىددى ھالەتتە تۇرماقتا.

فرانسىيە ئاخبارات ئاگېنتلىقىنىڭ خەۋەر قىلىشىچە، بوبەي ناھىيىسىدىكى پۇقرالار جۈمە كۈنى ھۆكۈمەت دائىرىلىرىدىن مەجبۇرى خاراكتېرلىك پىلانلىق تۇغۇت سىياسىتىدىكى جازالاش تەدبىرلىرىنى ئۆزگەرتىشنى تەلەپ قىلغان. شۇ جايدىكى ليۇ پەمىلىلىك بىر ئايالنىڭ ئەسكەرتىشىچە، ئۇ بىر بالىنى ئارتۇق تۇققانلىقى ئۈچۈن ئۇنىڭغا 24 مىڭ يۈەن جەرىمانە قويۇلغان شۇنداقلا دائىرىلەر بۇنىڭدىن بىر قانچە كۈن بۇرۇن ئۇنىڭ ئۆيىگە ئادەم ئەۋەتىپ ئۆيىدىكى پۈتۈن مال - مۈلكىنىڭ بىرىنىمۇ قويماي پۇلغا سۇندۇرۇپ ئېلىپ كەتكەن.

ئۇ، مەن ۋە بۇ جايدىكى پۇقرالار مۇسادىرە قىلىنغان ئۆي سايمانلىرىمىزنىڭ قايتۇرۇپ بېرىلىدىغان ياكى قايتۇرۇلمايدىغانلىقىنى بىلىشىمىز كېرەك،" دەيدۇ. بۇنىڭدىن سىرت فرانسىيە ئاخبارات ئاگېنتلىقى شۇ جايدىكى يەرلىك خەلقلەرنىڭ چەتئەللىك مۇخبىرلارنى كۆرسە، ھاياجانلانغان ھالدا ئورىۋالىدىغانلىقىنى ۋە ئۇلارغا قولدا يېزىلغان ياكى بېسىپ تارقىتىلغان ئەرز نامىلارنى كۆرسىتىشكە تىرىشىدىغانلىقىنى يازدى.

فرانسىيە ئاخبارات ئاگېنتلىقى مۇخبىرىنىڭ ئەسكەرتىشىچە، ئاز بولمىغان كىشىلەر ئادالەت چوقۇم يېرىنى تېپىشى كېرەك، دەپ چۇقان سالغان. خىتاي ھۆكۈمىتى بوبەي ناھىيىسىدە يۈز بەرگەن ساقچىلار بىلەن پۇقرالار ئارىسىدىكى بۇ توقۇنۇشتا 28 كىشىنىڭ قولغا ئېلىنغانلىقىنى جاكارلىدى.

خەۋەرلەرگە قارىغاندا پۇقرالارنى پىلانلىق تۇغۇتقا مەجبۇرلىغان يەرلىك ئەمەلدارلار قېچىپ كەتكەن. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت