Хәлқара кәчүрүм тәшкилати хитайдики мәдикар сияситини тәнқид қилди


2007-03-01
Share

Мәркизи лондондики хәлқара кишилик һоқуқ тәшкилати чаршәнбә күни, хитайдики мәдикарлар тоғрисида доклат елан қилип, мәдикарларниң иқтисадий җәһәттә дәпсәндичиликкә дуч келиватқанлиқини, қанун җәһәттә һечқандақ капаләткә игә қилинмайватқанлиқини шуниңдәк шәһәрдики иккинчи дәриҗилик пуқра салаһийитидә яшаватқанлиқини билдүрди.

Мәзкур тәшкилат доклатта йәнә "хитай тәрәққиятида йүз бәргән мөҗизә, мәдикарларниң мәнпәәтини қурбан қилиш бәдили билән мәйданға кәлгән" дәп көрситилгән. Чаршәнбә күни хитай ташқи ишлар баянатчиси чиң гаң, хәлқара кәчүрүм тәшкилатиниң тәнқидигә җавабән, инкас билдүрүп "хитайда шәһәрлишиш билән санаәтлишиш давамида, зор көләмдики ешинчи әмгәк күчлири шәһәрләргә кирип, хизмәт пурсити издәйду, шуңа уларниң шәһәр қурулиши билән иқтисадий тәрәққиятта ойнаватқан роли интайин муһим" деди.

Чиңгаң сөзидә, мәдикар ишчиларниң әмгикиниң хитайдики һәр дәриҗилик һөкүмәт вә хәлқ тәрипидин алаһидә һөрмәткә сазавәр боливатқанлииқини билдүрүп, бир қисим органлар тәрипидин мәдикәрларниң қанунлуқ һоқуқиниң зиянкәшликкә учраватқанлиқиниму иқрар қилди. У, бу мәсилигә хитай мәркизи һөкүмитиниң алаһидә көңүл бөлүп, һәр дәриҗилик һөкүмәтләрниң актип тәдбирләрни қоллиниш арқилиқ мәдикарларниң қанунлуқ һоқуқиға капаләт бериш үчүн тиришчанлиқ көрситиватқанлиқини тәкитлиди.

Бу арида истансимиз мухбири, уйғур елиниң җәнубийдики районларда уйғур деһқанлириниң һазирға қәдәр һәқсиз һашар әмгикигә селиниватқанлиқиға даир мәлуматлардин хәвәрдар болди. Сиясий күзәткүчиләр бу әһвалниң хитай мәдикарлири дуч келиватқан мәсилиләрдин нәччә һәссә еғир икәнликини, қуллуқ түзүминиң уйғур деһқанлири үстидин йүргүзиливатқанлиқини инкас қилишмақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт