Xelq'ara kechürüm teshkilati xitaydiki medikar siyasitini tenqid qildi


2007-03-01
Share

Merkizi londondiki xelq'ara kishilik hoquq teshkilati charshenbe küni, xitaydiki medikarlar toghrisida doklat élan qilip, medikarlarning iqtisadiy jehette depsendichilikke duch kéliwatqanliqini, qanun jehette héchqandaq kapaletke ige qilinmaywatqanliqini shuningdek sheherdiki ikkinchi derijilik puqra salahiyitide yashawatqanliqini bildürdi.

Mezkur teshkilat doklatta yene "xitay tereqqiyatida yüz bergen möjize, medikarlarning menpe'etini qurban qilish bedili bilen meydan'gha kelgen" dep körsitilgen. Charshenbe küni xitay tashqi ishlar bayanatchisi ching gang, xelq'ara kechürüm teshkilatining tenqidige jawaben, inkas bildürüp "xitayda sheherlishish bilen sana'etlishish dawamida, zor kölemdiki éshinchi emgek küchliri sheherlerge kirip, xizmet pursiti izdeydu, shunga ularning sheher qurulishi bilen iqtisadiy tereqqiyatta oynawatqan roli intayin muhim" dédi.

Chinggang sözide, medikar ishchilarning emgikining xitaydiki her derijilik hökümet we xelq teripidin alahide hörmetke sazawer boliwatqanli'iqini bildürüp, bir qisim organlar teripidin medikerlarning qanunluq hoquqining ziyankeshlikke uchrawatqanliqinimu iqrar qildi. U, bu mesilige xitay merkizi hökümitining alahide köngül bölüp, her derijilik hökümetlerning aktip tedbirlerni qollinish arqiliq medikarlarning qanunluq hoquqigha kapalet bérish üchün tirishchanliq körsitiwatqanliqini tekitlidi.

Bu arida istansimiz muxbiri, Uyghur élining jenubiydiki rayonlarda Uyghur déhqanlirining hazirgha qeder heqsiz hashar emgikige séliniwatqanliqigha da'ir melumatlardin xewerdar boldi. Siyasiy küzetküchiler bu ehwalning xitay medikarliri duch kéliwatqan mesililerdin nechche hesse éghir ikenlikini, qulluq tüzümining Uyghur déhqanliri üstidin yürgüziliwatqanliqini inkas qilishmaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet