Хитай баш министири русийәдики зияритидә терруризим вә нефит мәсилисини музакирә қилиду


2004-09-17
Share

Нефит мәсилиси билән терруризимға қарши һәмкарлиқ хитай баш министири вен җябавниң келәрки һәптә башлинидиған русийәдики зияритиниң асаслиқ күнтәртибини игиләйду.

Хитай ташқий ишлар министирликидики әмәлдарларниң билдүрүшичә, вен җябавниң 23 - сентәбирдин 25 - сентәбиргичә елип берилидиған русийәдики зияритидин бурун, 21 вә 22 -сентәбир күнлири қирғизистан пайтәхти бешкәктә шаңхәй һәмкарлиқ тәшкилатидики дөләтләр билән сода вә бихәтәрлик мәсилилири бойичә сөһбәт елип бариду. Хитай ташқий ишлар министирликиниң министир ярдәмчиси ли хуй җүмә күнки мухбирларни күтүвелиш йиғинида, ениргийә һәмкарлиқиниң хитай - росийә мунасиветидики алаһидә әһмийитини тәкитлигән.

Ли хуйниң билдүрүшичә, русийә билән хитай нефит турубиси ятқузуш мәсилисини музакирә қиливатқанға 10 йил болуп қалған, бирақ москва мәзкур пиландин һазирғичә әндишә қилмақта. Ли хуй, хитайниң русийә тәрәптин дачиң- ангариский нефит турубиси мәсилисидә һазирғичә иҗабий җавап алалмиғанлиқини илгири сүргән . У теруризим һәққидә тохтулуп, росийә билән хитайниң һәр иккилиси хәлқара терруризимниң қурбани дәп тәкитлигән. Йеқиндин бери хитай билән росийә ғәрб әллирини терроризим мәсилисидә қош өлчәм қоллиниш билән әйиплимәктә. Бирақ, хәлқара кишилик һоқоқ органлири хитай һөкүмитини терруризимға қарши турушни баһанә қилип, уйғурларниң кишилик һоқуқини дәпсәндә қилиш, сиясий өктичиләргә өлүм җазаси бериш билән тәнқитлигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт