Архип
2008-07-01
Бир хитай шаңхәйниң җабей районидики сақчи идарисиға бастуруп кирип, 9 хитай сақчиси вә бир аманлиқ қоғдиғучисиға пичақ салған болуп, уларниң ичидә 5 адәм өлгән.
2008-07-01
Әнгилийә б б с радио - телевизийә ширкити,гүйҗу өлкилик парткомниң баш секритари шиниң сөзини нәқил кәлтүрүп, униң " амминиң бизгә наразилиқи бар" дегәнликини елан қилди.
2008-06-30
Шаңхәй һәмкарлиқ тәшкилатиға әза дөләтләрниң "диний вә миллий ишларға мәсул һөкүмәт әмәлдарлири аспирантлиқ буйичә тәрбийиләш курси" 28 - июн үрүмчидә аяғлашқан болуп, тәңритағ ахбарат торида хәвәр қилинишичә, мәзкур курс хитай дөләтлик сода министирлиқиниң һавалиси билән тәшкилләнгән икән.
2008-06-30
Далай ламаниң вәкиллири мушу сәйшәнбә күнидин башлап хитай тәрәп билән тибәт мәсилисидә сөһбәт елип баридиған болуп, сүргүндики тибәт һөкүмитиниң ашкарилишичә, бу нөвәтлик сөһбәт бейҗиңда елип берилип икки күн давам етидикән.
2008-06-30
Гуйҗу өлкиси веңән наһийисидә 28 - июн шәнбә күни сақчилар билән пуқралар арисида бир қиз оқуғучиниң өлүми сәвәблик келип чиққан тоқунуш йәкшәнбә күни йерим кечидин ашқанда аран тинҗитилған болуп, хәвәрләргә қариғанда хитай сақчи даирилири намайишқа қатнашқучилиридин нәччә йүз адәмни қолға алған.
2008-06-29
Америка ташқи ишлар министири кондализа райис йәкшәнбә күни хитайни зиярәт қилип, хитай ташқи ишлар министири яң җиечи билән хитай - америка мунасивәтлири җүмлидин шималий корийә мәсилиси вә алтә тәрәп сөһбити һәққидә пикир алмаштурушни асаслиқ күн тәртипкә қойған.
2008-06-29
6 - Айниң 28 - күни гуйҗо өлкисиниң венан наһийисидә сақчилар билән пуқралар тоқунушуп қелип, адәмләрниң ярилиниш вә машиниларниң көйдүрүлүш вәқәлири келип чиққан.
2008-06-29
Хитай билән өзбекистан арисидики келишимгә бинаән хитайниң дөләтлик химийилик қурулуш ширкәтләр гуруһи өзбекистанниң пәрғанә вә әнҗан вилайәтлири арисида чоң көләмлик су турубиси ясаш қурулуши зиммисигә алған.
2008-06-28
Хитай күндилик гезитиниң хәвәр қилишичә, җүмә күни чуңчиң шәһәрлик сот мәһкимиси, афғанистанниң пайтәхти кабул шәһиридә бир нәччә паһишихана ачқан бир хитай аялни 11 йиллиқ қамақ җазасиға һөкүм қилған.
2008-06-27
Франсийә пайтәхти париждики мухбирлар һоқуқини қоғдиғучи хәлқара тәшкилат хитай даирилирини олимпик йиғинидин бурун охшимиған пикирдики затларни бастурушни җиддийләштүрүш, бу йил киргәндин бери 24 нәпәр охшимиған пикирдики мухбир вә тор язғучисини қолға елиш билән әйиблиди.
2008-06-27
Дөләт игидарчилиқидики хитай мәтбуатлириниң хәвәр қилишичә, хитай алий сот мәһкимиси 2008 - йилниң дәсләпки 6 ейида өлүм җазаси берилгән делоларниң %15 ни дәлил -пакитларниң йетәрсизлики яки өлүм җазаси беришкә уйғун әмәслик сәвәбидин ағдуруп ташлиған. Лекин бу 6 ай ичидә зади қанчилик адәмгә өлүм җазаси берилгәнлики йәнила дөләт мәхпийәтлики сүпитидә елан қилинмиди.
2008-06-26
Тибәт аптоном райониниң партиком секритари җаң чиңли, олимпик мәшилиниң тибәткә йетип келиши мунасивити билән сөзлигән нутқида далай ламани алаһидә тәнқид қилғандин кейин, хәлқара олимпик комитети бейҗиң олимпик комитетини агаһландуруп, бейҗиңдин сиясәт билән тәнтәрбийини айрип қаришини тәләп қилған иди.
2008-06-26
Хоңкоңдики җуңго кишилик һоқуқ вә демократийә учур мәркизи, шаңхәй даирилириниң өктичиләр, фалунгуң әзалири вә башқа тәнқидчиләргә қарита алаһидә чарә қолланғанлиқини паш қилди.
2008-06-25
Бирләшмә агентлиқиниң бүгүн бейҗиңдин хәвәр қилишичә, хитай бейҗиңда өткүзилидиған олимпик мусабиқисини қоғдаш үчүн, мусабиқә мәйданиниң әтрапиға сим тосақ қойған вә йәр йүзидин һава бошлуқиға атидиған башқурулидиған бомба орунлаштурған. Шундақла бихәтәрликни күчәйтиш үчүн һазирдин башлап алтә һәптилик һәрикәт пиланлиған.
2008-06-25
Шинхуа агентлиқиниң бүгүн чаршәнбә күни, йәни 6 - айниң 25 - күни үрүмчидин хәвәр қилишичә, бүгүн хитай җамаәт хәвпсизлик министирлиқи үрүмчи шөбисиниң әткәсчиликкә қарши туруш искадирониниң башлиқи җу йиңляң, пәйшәнбә күнидин башлап шинҗаңда зәһәрлик чекимликкә қарши чоң һәрикәт башлайдиғанлиқини вә паш қилинған муһим делоларни көргәзмә қилидиғанлиқини җакарлиған.