Чоңчиң һөкүмити хәлқниң йиғилип қалған әризнамилирини бир тәрәп қилди

 Әмма америка авазиниң хәвиригә қариғанда, чуңчиң шәһәрлик һөкүмити йеқинда әрздарларға қарита пәвқуладдә тәшәббускар позитсийә тутқан болуп, чуңчиң шәһәрлик һөкүмити вә хитай сода министири бирликтә чоңчиң һөкүмитидики мәмурий кадирларни йиғилип қалған әрзийәтләрни бир тәрәп қилишқа сәпәрвәр қилған икән.

Чуңчиң шәһири даирилири бир ай ичидә бир йилдин буян йиғилған 1600 парчидин артуқ әризнамиләрни бир тәрәп қилған.

Америка авазиниң хәвиридә хитай сода министири бо шиләйниң шинхуа мухбириға ейтқанлирини нәқил кәлтүрүшичә, бо шиләй мухбирға " бәзи кадирлар хәлқниң қийинчилиқини көрмәйду һәм аңлимайду, әрз қилғучиларни чатақ териғучилар дәп чүшиниду, уларға муамилә қилишни аваричилиқ дәп чүшиниду. Шу арқилиқ өзи билмәйла авам хәлқниң қарши тәрипигә өтүп қалиду. Әмәлийәттә әрздарларниң көпинчиси мәсилә болғачқа әрз қилиду, болмиса уларға шунчә йолларни йүрүш асанму " дегән.

Сода министири бо йәнә, чуңчиңдики кадирларға, әриз қилишип кәлгән авам хәлқ "асман йирақ,йәр қаттиқ вәзийәттә қалмисун " дәп мураҗәт қилған.