Asiya tereqqiyat bankisi xitayni ikkinchi wéytnamgha aylinip qélishtin agahlandurdi

Asiya tereqqiyat bankisi seyshenbe küni doklat élan qilip, xitayning iqtisadi tereqqiyat sür'itining astilaydighanliqidin bisharet berdi.
Muxbirimiz gülchéhre
2008-09-16
Share

Asiya tereqqiyat bankisi mezkur doklatta xitayning yilliq iqtisadida ötken yili %11.9 Örlesh körülgen bolsimu, emma bu yilliq iqtisadi ösüshi 10 pirsentke chüshkenliki körsitilgen shundaqla xitayning iqtisadiy tereqqiyatining, kéler yili uningdinmu töwen yeni 9.5 Ke chüshidighanliqi bildürülgen.

Bu asiya tereqqiyat bankisining mayda xitayda yüz bergen yer tewreshtin kéyin chiqarghan tunji doklati hésablinidu. Doklatqa qarighanda, xitay iqtisadi tereqqiyat sür'itining astilishigha qarimay, yenila dunyadiki eng téz tereqqiy qiliwatqan iqtisadi küch hésablinidiken, halbuki asiya tereqqiyat bankisi doklatida xitayning yene bir wéytnamgha aylinip qélish éhtimalliqini agahlandurghan.

Dunya sermayisining köpi xitaygha qarap éqiwatqan bolsimu, emma bu qisqa muddetlik éqim bolup, dunya iqtisadi turaqlashqanda eksiche, bu chet'el meblighining xitaydin qaytishqa bashlishi bilen xitay iqtisadi maliye séstimisida zor qalaymiqanchiliq peyda bolushi mumkin iken.

Chünki, wéytnamdimu xitayda körülgen mushu xil, chet'el meblighining wéytnamdin chiqip kétishi, wéytnamni chong iqtisadi krizis patqiqigha paturghan. Bu ötken ayda wéytnamning pul paxalliqi28 pirsenttin éship kétishige seweb bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet