Xitay qeshqerde yürgüzgen ölüm jazasi heqqide pikir bayan qilishtin özini qachurdi

Fransiye axbarat agéntliqining béyjingdin xewer qilishiche, bügün yeni seyshenbe küni muxbirlarni kütüwalghan xitay tashqi ishlar bayanatchisi lyu jyenchaw, chet'el muxbirlirining qeshqerde ölümge höküm qilin'ghan Uyghurlar heqqidiki so'aligha duch kelgen we bu toghrida pikir bayan qilishtin özini qachurghan.
Muxbirimiz shöhret hoshur xewiri
2008.07.15

 Lyu jyenchaw peqet bu heqte mundaq dégen: " ehwalning tepsilatidin méning xewirim yoq. Emma junggo qanun bilen bashquruliwatqan dölet, junggoning neride bir délo bir terep qilinsa u qanun buyiche bir terep qilinidu."

Xitay 9 ‏ - iyul küni qeshqerning yéngi sheher nahiyiside 10 ming kishilik höküm élan qilish yighini échip 5 Uyghurgha ölüm jazasi bergen we 15 Uyghurgha perqliq muddette qamaq jazasi bergen idi we bu hökümini axbarat sahesidin yoshurun tutqan idi. Radi'omiz weqeni dunyagha ashkarilighandin kéyin, amérika dölet mejlisi xitayning mezkur hökümini we uni dunyadin yoshurghanliqini tenqid qilghan idi.

Xitay bu yilning béshida ürümchide yüz bergen 25 ‏ - yanwar weqesi, 23 ‏ - mart küni xotende yüz bergen ayallar namiyishinimu oxshashla axbarat sahesidin yoshurghan. Peqet radi'omiz weqeni dunyagha xewer qilghandin kéyinla étirap qilishqa mejbur bolghan we bu heqte mexsus bayanat bergen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.