Хитай һөкүмити уйғур мустәқилчилиригә һөкүм елан қилмақчи

Баш шитаби хоңкоңға җайлашқан хитайдики кишилик һоқуқни көзитип туридиған тәшкилат "кишилик һоқуқ вә демократийә информатсийә мәркизи" ниң ашкарилишичә, һәмдә хоңкоң "миң бав" гезитидә бу һәқтә берилгән хәвәрдә көрситилишичә, уйғур елидә елип берилидиған бейҗиң олимпик мәшилини узутуш паалийити аяғлишип узун өтмәй йәни, мушу айниң ахири хитай йәрлик һөкүмити олимпик йиғиниға террорлуқ һуҗуми қозғаш җинайити билән қолға елинға 65 нәпәр уйғур мустәқилчисигә һөкүм елан қилидикән.
Мухбиримиз җүмә хәвири
2008.06.16

 Мәлум болушичә, сот үрүмчи оттура хәлқ сот мәһкимисидә елип берилидиған болуп, бу 65 нәпәр уйғур мустәқилчи бу йил 1 - 3 - 4 - айлирида үрүмчи, бейҗиң вә шаңхәй қатарлиқ җайларда олимпик йиғиниға бузғунчилиқ қилиш җинайити билән қолға чүшкән кишиләр икән.

Мәзкур информатсийә мәркизиниң илгири сүрүшигә қариғанда, бу уйғурларға артилған җинайәтләр бир қәдәр еғир болуп, буларниң бәзилири террорлуқ тәшкилат қуруш, дөләтни парчилашқа урунуш, қатарлиқ җинайәтләр билән әйибләнгән болғачқа буларниң ичидә аз дегәндиму 20 адәмгә өлүм җазаси берилиши мумкин икән.

Һазирчә бу кишиләрниң ичидә "айропилан партилитишқа урунди" дәп қолға елинған уйғур қиз гүзәлнур турди һәмдә бу йил баһарда үрүмчи бәхт аилиликләр олтурақ районида хитай сақчилири қолға алдуқ дәп елан қилған 17 нәпәр уйғурниң бар йоқлуқи техи мәлум әмәс.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.