Xitayda süt parashoki tüpeyli yene késel peyda boldi

Xitay metbu'atlirida, xitay sehiye ministirliqining " senlu " markiliq süt parashokidin bulghinish meydan'gha kelgenliki seweblik, kishilerning mezkür süt parashokini ishletmesliki toghrisidiki agahlandurushi élan qilindi.
Muxbirimiz eqide xewiri
2008.09.11
Share on WhatsApp
Share on WhatsApp

Xitay merkizi agéntliqi peyshenbe küni, xébéy shijaju'ang senlu guruhi hessidarliq shirkitining bayanatini élan qilip, 2008 ‏ - yili 8 ‏ - ayning 6 ‏ - künidin burun ishlepchiqirilghan balilar süt parashokining bir xil ximiyilik madda bilen bulghan'ghanliqini shuningdek barliq süt parashoklirini yighiwélishni qarar qilghanliqini bildürdi.

Buningdin ilgiri, gensu qatarliq jaylarda bowaqlarning süydük yolida tash yighilip qélish késelliki peyda bolghan bolup, tekshürüsh netijiside köpligen bowaqlarning " senlu " markiliq süt parashokini istimal qilghanliqi ashkarilan'ghan iken.

Gensu ölkilik sehiye ministirliqi ikki yildin buyan, pütün ölke buyiche bowaqlargha qarita tekshürüsh élip bérip, 59 balining börek iqtidarining nachar ikenlikini bayqighan we bu tüpeyli bir bala qaza qilghan.

Buning bilen xitay sehiye ministirliqi mezkür hadisige munasiwetlik ehwallarni dunya sehiye teshkilati we alaqidar döletlerge yollighan.

2004 ‏ - Yili, xitayning enxuy ölkiside ishlen'gen süt parashokini istimal qilghan bowaqlarning bash qismi yoghinap kétish hadisisi yüz bérip, 14 bowaq hayatidin ayrilghan idi.
 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.