Хитайда зәһәрлик сүт парашогида өлгәнләр сани, кесәлләнгәнләр сани 6244 кә йәткән

Хитай сәһийә министирлиқи дүшәнбә күни зәһәрлик сүт парашогида өлгәнләр саниниң 2, кесәлләнгүчиләр саниниң 1253 икәнликини билдүргән иди. Министирлиқ бүгүнки баянатида, өлгүчиниң 3кә, зәһәрләнгүчиниң 6244 кә йәткәнликини ашкарилиди.
Мухбиримиз шөһрәт һошур
2008-09-17
Share

 Сәһийә министири Chen Zhu ниң бүгүн ахбарат елан қилиш йиғинида билдүрүшичә, хитай сүт парашоки фабрикилирида тәкшүрүш елип бериш арқилиқ, зәһәрлик сүт парашоки ишләпчиқарған йәнә башқа фабрикиларниму байқиған. Министир сөзидә зәһәрлик сүт парашокиниң базарда кәң тарқалғанлиқини, зәһәрләнгүчиләр саниниң бундин кейин йәниму көпийиши мумкинликини билдүргән.

Йәнә хәвәрләрдин мәлум болушичә, уйғур районида сәнлу маркилиқ сүт парашогида зәһәрләнгән балилардин 31 и байқалған.

Нөвәттә хитай тәрәп, зәһәрлик сүт парашоки делосиға четишлиқ бир қисим кәспий вә мәмури әмәлдарларни вәзиписидин елип ташлиған болсиму, истималчиларниң әндишә вә наразилиқини пәсәйтәлмиди. Хитайчә б б с ториниң хәвәр қилишичә, хитай өлкилиридики бир қисим амма, хәлқара җәмийәтләрниң сүт парашоки мәсилисигә арилишишини тәләп қилған. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт