Xitayda zeherlik süt parashogida ölgenler sani, késellen'genler sani 6244 ke yetken

Xitay sehiye ministirliqi düshenbe küni zeherlik süt parashogida ölgenler sanining 2, késellen'güchiler sanining 1253 ikenlikini bildürgen idi. Ministirliq bügünki bayanatida, ölgüchining 3ke, zeherlen'güchining 6244 ke yetkenlikini ashkarilidi.
Muxbirimiz shöhret hoshur
2008-09-17
Share

 Sehiye ministiri Chen Zhu ning bügün axbarat élan qilish yighinida bildürüshiche, xitay süt parashoki fabrikilirida tekshürüsh élip bérish arqiliq, zeherlik süt parashoki ishlepchiqarghan yene bashqa fabrikilarnimu bayqighan. Ministir sözide zeherlik süt parashokining bazarda keng tarqalghanliqini, zeherlen'güchiler sanining bundin kéyin yenimu köpiyishi mumkinlikini bildürgen.

Yene xewerlerdin melum bolushiche, Uyghur rayonida senlu markiliq süt parashogida zeherlen'gen balilardin 31 i bayqalghan.

Nöwette xitay terep, zeherlik süt parashoki délosigha chétishliq bir qisim kespiy we memuri emeldarlarni wezipisidin élip tashlighan bolsimu, istimalchilarning endishe we naraziliqini peseytelmidi. Xitayche b b s torining xewer qilishiche, xitay ölkiliridiki bir qisim amma, xelq'ara jem'iyetlerning süt parashoki mesilisige arilishishini telep qilghan. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.