Хитайниң санаәт ишләпчиқириш миқдари февралда көрүнәрлик дәриҗидә қисқарған

Мухбиримиз җүмә
2020-03-01
Share
xitay-ihtisadi-zeipleshti-202002.png А б с хәвәрләр торида елан қилинған хитайниң санаәт ишләпчиқириш миқдариниң февралда көрүнәрлик дәриҗидә төвәнлигәнлики һәққидики хәвәр. 2020-Йили 28-феврал.
Photo: RFA

А б с хәвәрләр ториниң шәнбә күни бу һәқтики тәкшүрүш мәлуматлиридин нәқил елип көрситишичә, бу корона вируси сәвәблик йүргүзүлгән чәкләш тәдбирлири билән мунасивәтлик икән.

Хәвәрдә ейтилишичә, хитай хам әшя сетивелиш көрсәткүчиниң январдики 50 поинттин феврал ейида 35.7 Поинтқа төвәнлигәнликини елан қилған.

Бу көрсәткүч 100 поинтлиқ болуп, әгәр хам әшя сетивелиш нисбити 50 поинттин төвәнлисә бу санаәт ишләпчиқиришиниң қисқарғанлиқини билдүридикән.

Хәвәрдә нәқил қилишичә, у һәқтә тохталған ING мәбләғ селиш банкисиниң тәтқиқатчиси айрис паң хитайниң санаәт ишләпчиқириши толуқ әслигә кәлгән тәқдирдиму, мал тәминләш линийәлириниң корона вируси сәвәблик йәнила дәхлигә учриған һаләтни сақлап қалидиғанлиқини ейтқан.

У йәнә, нормал хизмәт еқиминиң һәтта апрелғичә әслигә келип болалиши натайин икәнликни билдүргән.

Корона вируси вухәндә тунҗи байқалғандин кейин, хитайниң санаәт базилиридин бири һесаблинидиған бу шәһәр 23 январдин башлап карантин астиға елинған иди.

Хитай даирилири бәзи һөкүмәт игидарчилиқидики, полат, мис қатарлиқ еғир санаәт ширкәтлириниң нормал ишләпчиқиришни давамлаштурғанлиқини ейтқан.

Һалбуки, вирус чәклимиси сәвәблик тақалған йәнә қанчилик шәхсий ширкәт вә завутларниң барлиқи уларниң йәнә қачанғичә тақақ туридиғанлиқи һазирчә намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт