Xitayning yawayi haywanlarni éksport qilishni righbetlendürüwatqanliqi melum

Muxbirimiz jüme
2020-04-12
Share
wuxan-xuanan-baziri.jpg Korona wirusining tarqilish menbesi ikenliki ilgiri sürülgen wuxendiki xu'anen yawayi haywanat mehsulatliri baziri. 2020-Yili mart.
Social Media

Xitay hökümiti korona wirusi seweblik xitaydiki yawayi haywanlar bazirini taqighan bolsimu, emma bezi yawayi haywanlarning éksport qilinishini righbetlendürüwatqanliqi melum.

"Wal strét zhurnili géziti" ning xewirige qarighanda, da'iriler bezi yawayi hayan sodigerlirige eger mallirini chet'ellerge éksport qilsa baj kechürüm qilinidighanliqini bildürgen.

Xitay xelq qurultiyi 24-féwral qarar chiqirip xitayda yawayi haywanlarning sétilishi we istémal qilinishini chekligen. Ular eyni chaghda buning ammiwi saghlamliqigha éghir tehdit yaritidighanliqini éytqan.

Halbuki, martning otturilirigha kelgende xitay maliye tarmaqliri yégili bolidighan yilan, tashpaqa, maymun, qunduz qatarliqlarni öz ichige alghan haywanat mehsulatliri éksportigha 9 pirsent baj kechürüm qilinidighanliqini bildürgen.

Xewerge qarighanda, xitayning bu qarari, korona wirusi seweblik astilighan xitay iqtisadini ilgiri sürüsh üchün paydiliq bolsimu, xitayda chekligen yawayi haywanlarni chet'ellerge éksport qilish dunya bazirini xeterge ittiridiken.

Xitayning wuxen shehiride bayqilip nöwette dunyawi wabagha aylan'ghan korona wirusining wuxendiki bir yawayi haywanat mehsulatliri baziridin tarqalghanliqi ilgiri sürülgen idi.

Bu wirus nöwette dunyaning hemme jaylirigha dégüdek yamrap 1 milyon 800 minggha yéqin ademni yuqumlandurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet